Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Бәһрејнин Әл-Вәфаг Ислам Дәрнәји Бәһрејн хариҹи ишләр назиринин мүавининин Моссадын Манамада олмасы илә бағлы вердији ачыгламаларыны фаҹиә вә тәһлүкәли һал кими гијмәтләндириб.
Ишғалчы сионист режимин ҹинајәткар дәстәсинин Бәһрејнә јерләшдирилмәсинә етираз едәрәк әлавә едиб:
“Бу ачыгламалар Бәһрејни реҝионда тәһлүкәсизлик, гејри-сабитлик вә ҝәрҝинлик мәнбәјинә чевирир.”
Вәфаг Ислам Дәрнәјинин бәјанатында дејилир:
“Сионист режим бәшәријјәтә гаршы ҹинајәтләр, онларла инсанын шәһадәти вә јараланмасы, суи-гәсдләр вә диҝәр ҹинајәтләрлә долу рекорда маликдир. Онун Бәһрејндә мөвҹудлуғу Бәһрејн, реҝион вә дүнја үчүн тәһлүкәдир, Бәһреј вә реҝион өлкәләри мүһарибә мејданына чевирир. Бәһрејн халгы адындан Бәһрејнә, әрәбләрә вә мүсәлманлара гаршы бу ҹинајәтә вә хәјанәтә гаршы кәскин етиразымызы билдиририк. Милли, тарихи, әрәб вә мәнәви мәсулијјәтимизи нәзәрә алараг бәјан едирик ки, Моссад-ын Бәһрејндә олмасы бу өлкәјә вә халгына гаршы ачыг-ашкар ишғал вә тәҹавүздүр.”
Диггәт: Хәбәрдән Истифадә Етдикдә Мәнбәјә Истинад Лазымдыр!