Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Бәһрејн халгынын залым Хәлифә вәһһаби сүлалә режиминә гаршы ингилабынын 11-ҹи илдөнүмүндә Ирагын Нүҹәба Ислами Мүгавимәт Һәрәкаты бејнәлхалг инсан һаглары тәшкилатларыны тәнгид едән бәјанатда вериб.
Бәјанатда Нүҹәба һәракаты бејнәлхалг инсан һаглары тәшкилатларыны бу халг үсјаныны унудуб ҝөзардына вурмагларыны кәскин гынајараг билдириб: “Хурма ағаҹы кими мөһкәм олан Бәһрејнли дул гадынларын ҝөз јашлары вә әсирликдә вә залымларын ишҝәнҹәси алтында мәһбусларын мүгавимәти илә биздә гүрур һисси, үмид, сәбр артараг, Уҹа Аллаһа тәвәккүлүмүз чохалыр.
Биз Ислам Мүгавимәти олараг һесаб едирик ки, мәсулијјәт дашыјан бејнәлхалг тәшкилатларын сусмасы, еләҹә дә демократија вә азадлыг дискурсуну әлләриндә әсас тутан өлкәләрин бу режимин ҹинајәтләринә лагејдлији бу гурумларын вә һөкумәтләрин виҹданынын кор олдуғуну вә мәсәләјә биртәрәфли бахдыгларыны, өз марагларындан башга һеч нәји ҝөрмәдикләрини тәсдигләјир.
Елә бир ҝүн јохдур ки, биз бу сәбирли халгын шәһид вә газиләринин симасыны, еләҹә дә Бәһрејн ингилабчыларынын, мәһбусларын вә мөмин гадынларын шүҹаәтли мүгавимәтини ҝөрмәјәк вә онлар һаггында дүшүнмәјәк.
Гардаш Бәһрејн халгына мејдан вә медиа дәстәјиндән һеч бир заман имтина етмәјәҹәјик вә онлара һәр ҹүр дәстәк вермәјә тәләсәҹәјик; Та ки, бу ҹинајәткар залым режимин мүһакимәси вә деврилмәсинә наил олунсун вә әзиз Бәһрејн халгынын тәләбләри јеринә јетирилсин.”
Диггәт: Хәбәрдән Истифадә Етдикдә Мәнбәјә Истинад Лазымдыр!