АБНА24 Хәбәр Верир, "ИРНА" хәбәр аҝентлијинин мәлуматына ҝөрә, Јәмән Силаһлы Гүввәләринин сөзчүсү Јәһја Сәри вердији ачыгламада, билдириб ки, бу әмәлијјатда Әмирлијин пајтахты Әбу Дабидәки мүһүм вә һәјаты әһәмијјәтли објектләр бир нечә "Зүлфүгар" баллистик ракетләри илә һәдәфә алыныб, Дубајдакы һәссас вә һәјати мөвгеләрә исә, бир нечә "Сәмад-3" дөјүш ПУА-лары илә һүҹум едилиб.
Сәри әлавә едиб: "Әмирлијин кичик һөкумәти сионист режимин кукласы кими Әбу-Даби вә Дубајда Јәмән халгына гаршы тәҹавүзүнү давам етдирдији мүддәтҹә етибарсыз олаҹаг".
Јәмән Силаһлы Гүввәләринин сөзмүсү нөвбәти мәрһәләдә Јәмән һүҹумларына гаршы һәссас олдугларына ҝөрә Әмирлик вәтәндашлары вә хариҹи ширкәтләрә өлкәнин һәјати мәркәзләриндән узаг дурмалары илә бағлы хәбәрдарлыг едәрәк, дүшмәнин тәҹавүзләрини ҹавабсыз гојмајаҹагларыны билдириб.
Гејд едәк ки, Јәмән Силаһлы Гүввәләри өтән һәфтә әрзиндә "Јәмән Фыртынасы-1" вә "Јәмән Фыртынасы-2" әмәлијјатларында Әбу-Даби вә Дубајы ракет вә пилотсуз учуш апаратлары илә һәдәфә алыб.
342/
мәнбә : ABNA24
çərşənbə axşamı
1 fevral 2022
13:13:58
1224856
Јәмән Силаһлы Гүввәләринин сөзчүсү бу өлкә ордусунун Бирләшмиш Әрәб Әмирликләринин дәринликләриндә кечирилән ҝенишмигјаслы "Јәмән Фыртынасы-3" әмәлијјатынын тәфәррүатларыны ачыглајыб.