Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Јәмән Силаһлы Гүввәләринин сөзчүсү бригада ҝенералы Јәһја Сари Сәудијјә тәҹавүз коалисијасына бағлы муздлуларын Шәбва вилајәтиндә һүҹумларынын дәф едилдијини билдириб.
О билдириб ки, Јәмән силаһлы гүввәләри Аллаһа шүкүрләр олсун ки, сон 24 саат әрзиндә сых һава өртүјү илә баш верән тәҹавүзкарларын ирәлиләмәсини дәф едә билиб. Шәбва әјаләтинин Ејн бөлҝәсиндә кечирилән әмәлијјат заманы 120-дән чох муздлу өлдүрүлүб вә јараланыб, үчдән чох һәрби машын мәһв едилиб.
Јәмән Силаһлы Гүввәләринин сөзчүсү һәмчинин дејиб: Јәмән ордусу вә халг комитәләри Шәбвада муздлуларын мөвгеләринә 4 баллистик ракет зәрбәси ендириб вә онларын әјаләтдәки һүҹумларыны зәрәрсизләшдирибләр.
Саринин сөзләринә ҝөрә, һүҹумда Сәудијјә муздлуларынын 12 зиреһли машыны да мәһв едилиб.
Јәмән силаһлы гүввәләри, чәршәнбә ҝүнү (јанварын 18-дә) сых һава өртүјүнә бахмајараг, ИШИД үнсүрләри вә БӘӘ-јә бағлы муздлуларын Марбин Һариб вә Аин бөлҝәләриндә ҝенишмигјаслы ирәлиләјишинин гаршысыны алыблар.
Диггәт: Хәбәрдән Истифадә Етдикдә Мәнбәјә Истинад Лазымдыр!