Ҝенерал Јәһја Сәри`и тәҹавүзкар БӘӘ режиминә едилән балистик ракет вә ПУА һүҹумлары барәсиндә ачыглама верди - ВИДЕО

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, өтән ҝүн Јәмән Силаһлы Гүввәләринин спикери бригада ҝенералы ҹәнаб Јәһја Сәри`и медиаја вердији ачыгламасында билдириб: “АБШ, Сәудијјә режими вә Бирләшмиш Әрәб Әмирликләринин һүҹумларынын артмасына ҹаваб олараг биз Аллаһын көмәји илә БӘӘ-нин дәринликләриндә уғурлу һәрби әмәлијјат кечирдик.” Јәһја Сәри`и “Сәудијјә-БӘӘ” коалисијасынын тәҹавүзкар өлкәләринә бир даһа хәбәрдарлыг едәрәк, бу өлкәләрин даһа ағрылы зәрбәләр алаҹағыны билдириб. Јәмән Силаһлы Гүввәләринин сөзчүсү “Јәмән Фыртынасы” әмәлијјаты ады алтында Дубај вә Әбу-Даби һава лиманларыны, Әбу-Даби Әл-Мәсфа нефт емалы заводуну вә БӘӘ-нин бир сыра диҝәр мүһүм мөвге вә објектләринин һәдәфә алындығыны билдирәрәк дејиб: “Әл Мусаффа нефтајырма заводу вә Әбу-Даби һава лиманына дөрд “Гүдс-2” ганадлы ракети атылыб. Дубај аеропорту исә Зүлфигар баллистик ракети, Әбу-Даби Әл-Мәсфа нефт емалы заводу вә БӘӘ-нин бир сыра диҝәр мүһүм мөвгеләри ПУА-ларла вурулуб.”