Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, өтән ҝүн Јәмән Силаһлы Гүввәләринин спикери бригада ҝенералы ҹәнаб Јәһја Сәри`и медиаја вердији ачыгламасында билдириб: “АБШ, Сәудијјә режими вә Бирләшмиш Әрәб Әмирликләринин һүҹумларынын артмасына ҹаваб олараг биз Аллаһын көмәји илә БӘӘ-нин дәринликләриндә уғурлу һәрби әмәлијјат кечирдик.”
Јәһја Сәри`и “Сәудијјә-БӘӘ” коалисијасынын тәҹавүзкар өлкәләринә бир даһа хәбәрдарлыг едәрәк, бу өлкәләрин даһа ағрылы зәрбәләр алаҹағыны билдириб.
Јәмән Силаһлы Гүввәләринин сөзчүсү “Јәмән Фыртынасы” әмәлијјаты ады алтында Дубај вә Әбу-Даби һава лиманларыны, Әбу-Даби Әл-Мәсфа нефт емалы заводуну вә БӘӘ-нин бир сыра диҝәр мүһүм мөвге вә објектләринин һәдәфә алындығыны билдирәрәк дејиб: “Әл Мусаффа нефтајырма заводу вә Әбу-Даби һава лиманына дөрд “Гүдс-2” ганадлы ракети атылыб. Дубај аеропорту исә Зүлфигар баллистик ракети илә вурулуб.”
Бирләшмиш Әрәб Әмирликләринин пајтахты Әбу-Даби полиси билдириб: “Јанғын Әмирлијин АДНОҸ дөвләт ширкәтинин јанаҹаг анбарларынын јахынлығындакы Әл-Мисфаһ бөлҝәсиндә үч чәндә партлајыша сәбәб олуб”, - дејә мәлуматда билдирилир.
“Ал Мајадеен” телеканалынын өз мәнбәләринә истинадән мәлуматына ҝөрә, Јәмән БӘӘ әразисинә 20 пилотсуз учуш апараты вә 10 баллистик ракетлә һүҹум һәјата кечирдиб.
Диггәт: Хәбәрдән Истифадә Етдикдә Мәнбәјә Истинад Лазымдыр!