Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Шејх Зәкзәки вә һәјат јолдашы 6 иллик һәбсдән сонра һазырда ев дустағыдыр. Азадлыға чыхандан гыса мүддәт сонра Африка медиасына вердији мүсаһибәдә о, дејиб: “Мән азадлыға чыхандан сонра һәјат јолдашымла мүалиҹә үчүн хариҹә ҝетмәјә һазырлашырдыг, лакин һөкумәтин тәхрибаты илә буна һәлә наил олунмајыб”.
Шејх Зәкзәки әлавә едиб: “Һәјат јолдашым вә мәним бәдәнимиздә һәлә дә чохлу ҝүллә вә гәлпә вар. Мүтәхәссис һәкимләр Ниҝеријада бу проблемин һәлл едилә билмәјәҹәјини бәјан едибләр. Лакин хариҹдәки експертләр әмин едибләр ки, бу проблеми һәлл етмәк олар. Һәјат јолдашым 2016-ҹы илдән бәри 5 илдир ки, тәһлүкәсизлик гүввәләринин вәһшиҹәсинә дөјмәләри вә алдығы ҝүллә јаралары сәбәбиндән әлил арабасындадыр; Һәтта ибадәтләрини отураг һалда јеринә јетирир вә дөвләт мәмурлары јахшы билирләр ки, онун дизини тез бир заманда мүалиҹә етмәк лазымдыр.”
О, сөзләринә белә давам едиб: “Мәним бәдәнимдә чохлу гәлпә вә ҝүллә галыглары вар ки, мүтәхәссисләрин фикринҹә, онун тәркиб һиссәләри токсинләр әмәлә ҝәтирир вә ниҝеријалы һәкимләр бу проблеми һәлл етмәјә вә заман кечдикҹә јердән һәрәкәт едән гәлпәләри чыхартмаја гадир дејилләр. Биз хариҹә ҝетмәлијик, тәәссүф ки, һөкумәт индијә гәдәр өлкәни тәрк етмәјимизә иҹазә вермәјиб.
Диггәт: Хәбәрдән Истифадә Етдикдә Мәнбәјә Истинад Лазымдыр!