Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Танзанија Шиә Дәрнәјинин президенти вә Имам Ҹәфәр Садиг (әлејһи сәлам) Семинаријасынын директору Мөвлана Шејх Һәмид Ҹәлал Кенија Шиә алими Шејх Абдуллаһи Насир Ҹүмәнин дәфн мәрасиминдә иштирак етмәк үчүн Дар әс-Саламдан бир һејәтлә бирликдә Момбасаја сәфәр едиб.
Шејх Ҹәлал вә ону мүшајиәт едәнләри бу сәфәрдә Сејид Идрис Әләви вә мәрһум Абдуллаһ Насирин бөјүк оғлу гаршылајыблар.
Шејх Ҹәлал да бу Шиә алимин мәзарында Фатиһә охујуб вә һүзур мәрасиминдән сонра чыхыш едиб.
Гејд етмәк јеринә дүшәр ки, Кенијадан олан ҝөркәмли Шиә алими мәрһум “Шејх Абдуллаһи Ҹүмә Насир” Шиәлијин бу өлкәдә вә Африканын диҝәр јерләриндә јајылмасында мүһүм рол ојнамышдыр.О, Үмумдүнја Әһли-Бејт (ә) Ассамблејасынын үмуми топлантысынын үзвү олуб вә 90 јашында дүнјасыны дәјишиб.
Мәрһум Шејх Абдуллаһи Ҹүмә Насирин ҹәназәси Әл-Һәссанејн Мәсҹидиндән Момбасадакы Ҝанҹуни гәбиристанлығына апарылыб.
Диггәт: Хәбәрдән Истифадә Етдикдә Мәнбәјә Истинад Лазымдыр!