ИШИД-и бәсләјәрәк онлара јер верән Түркијә инди ИШИД-ә гаршы әмәлијјат апарыр – Фото Репортаж

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, дүнјанын дөрд бир тәрәфиндән вәһһабиләри ҝәтиздирәрәк Суријаја идхал етдирән вә Түркијәдә онлар үчүн һәр бир шәраит дүзәлдән Түркијә һакимијјәти артыг өзү вәһһаби ИШИД террорчуларыны Әрдоған һакимијјәтинә гурбан вермәк гәрарына ҝәлиб. Белә ки, Түркијәнин террорла мүбаризә гүввәләри мүхтәлиф шәһәрләрдә ИШИД террор груплашмасы илә әлагәси олан онларла шүбһәлини һәбс едиб. “Пәнҹә 2” ады илә танынан әмәлијјат өтән ҝеҹә Мерсин, Адана, Шанлы Урфа, Бурса, Конја вә Гази Аинтабда 2200 әсҝәр вә 7 һеликоптерин иштиракы илә һәјата кечирилиб вә онларла ИШИД шүбһәлиси һәбс едилиб. Түркијә медиасынын мәлуматына ҝөрә, сахланыланларын ҝизләндији јерләрдән күлли мигдарда доллар вә тәшкилати сәнәдләр әлә кечирилиб.