Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Сурија тәһлүкәсизлик рәсмиләри Дәра әјаләтинин гәрб әтрафларында террорчу груплара мәхсус силаһ-сурсат анбарыны күлли мигдарда силаһла әлә кечирмәк үчүн кәшфијјат вә әмәлијјат планыны һәјата кечириб.
Базар ҝүнү Дәраа әјаләтинин сәлаһијјәтлиләри тәрәфиндән чохлу мигдарда атыҹы силаһлар вә јүнҝүл силаһлар, дөјүш сурсаты илә бирликдә әлә кечирилиб.
Суријанын Дәра әјаләтинин һөкумәт рәсмиси билдириб ки, әјаләтдә апарылан тәмизләмә әмәлијјаты илә Сурија вәтәндашлары сабитлијин бәргәрар олмасы вә тәһлүкәсизлик һисси сајәсиндә силаһ вә сурсатларынын бөјүк бир һиссәсини ордуја тәһвил верибләр.
Сәлаһијјәтли мәмурлар вә Сурија ордусунун бөлмәләри Дәра вилајәтинин кәнарында бир сыра евләрә вә фермалара басгын едиб вә чохлу сајда силаһ вә сурсат мүсадирә едилиб.
Мүсадирә едилән силаһлар арасында ПКҸ пулемјотлары, РПҜ-ләр, ДШК ҝүлләләри, 122 мм-лик топлар, әл ракетләри вә рабитә васитәләри, кәшфијјат квадрокоптерләри, партлајыҹы пакетләр вә танк әлејһинә миналар олуб.
Бундан әввәл Сурија ордусунун бөлмәләри вә рәсмиләри Дејр әз-Зорун азад едилмиш әразиләрини тәмизләјәркән зәһәрли вә кимјәви силаһларла јанашы, чохлу мигдарда Исраил истеһсалы силаһ, сурсат вә артиллерија, һәмчинин НАТО истеһсалы олан силаһлар да әлә кечириб.
Диггәт: Хәбәрдән Истифадә Етдикдә Мәнбәјә Истинад Лазымдыр!