Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Јәмән силаһлы гүввәләринин сөзчүсү үч баллистик ракетлә Сәудијјә Әрәбистанынын ҹәнубундакы Ҹизан бөлҝәсиндә "ваҹиб" вә "һәссас" мөвгеләрә һүҹум едилдијини ачыглајыб.
Бригада ҝенералы Јәһја Сары "дәгиг вә јүксәк технолоҝијалы" олдуғуну сөјләдији ракетләрин һәдәфләрини вурдуғуну вурғулајыб.
О, бу һүҹумлары Сәудијјә Әрәбистанынын ҹинајәтләри вә тәҹавүзү вә Јәмәнин мүһасирәсинә гануни ҹаваб адландырыб.
Јәмән Силаһлы Гүввәләринин сөзчүсү вурғулајыб ки, Сәудијјә Әрәбистаны ҹинајәт вә тәҹавүзләрини давам етдирдикҹә, јәмәнлиләр сәудијјәлиләрә гаршы “ағрылы һүҹумлар” һәјата кечирәҹәкләр.
Сәудијјә Әрәбистанынын башчылыг етдији коалисија Сәудијјә Әрәбистанынын ҹәнубундакы Ҹазан бөлҝәсинин Самитә шәһәриндә ики нәфәрин өлдүрүлдүјүнү ачыглајыб.
Коалисија Әнсаруллаһ гүввәләринин һүҹумуна ҹаваб олараг ҝенишмигјаслы һәрби әмәлијјата һазырлашмагла һәдәләјиб.
Билдирмәк лазымдыр ки, Јәмәнин Сәудијјә Әрәбистанынын ҹәнубуна ракет һүҹумлары сон ајларда интенсивләшиб.
Ејни заманда, хәбәрләр Әнсарүллаһ гүввәләринин Јәмәнин стратежи әһәмијјәтә малик Мәрб шәһәринә доғру ирәлиләдијини ҝөстәрир.
Хатырладаг ки, 26 апрел 2015-ҹи илдә Сәудијјә Әрәбистаны бир нечә әрәб өлкәсинин коалисијасы шәклиндә вә АБШ-ын көмәји вә јашыл ишығы илә деврилмиш вә гачаг дүшмүш президент Әбд әл-Мәнсур Һадини ҝери гајытмаг бәһанәси илә ән јохсул әрәб өлкәси олан Јәмәнә гаршы ҝенишмигјаслы һүҹумлара башламышды.
Диггәт: Хәбәрдән Истифадә Етдикдә Мәнбәјә Истинад Лазымдыр!