Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ниҝеријада 1 милјон дозадан чох вахты өтмүш Ҹовид-19 әлејһинә ваксин мәһв едилиб.
Бу барәдә Ниҝеријанын Ваксин Програмы үзрә Милли Мәркәзи мәлумат вериб. Мәлуматда гејд едилир ки, “АстраЗенеҹа” ширкәтинин истеһсалы олан вахты кечмиш ваксин јандырылыб.
Мәркәзин директору Фајсал Шуајиб дејиб: “Бу ваксин өлкәјә һәдијјә едиләркән сон истифадә тарихинә аз галдығы мәлум иди. Лакин бөјүк дөвләтләрин ваксин милләтчилијинә ҝөрә Ниҝерија ваксин ала билмәјиб. Бөјүк дөвләтләр ваксинләри топлајараг истифадә мүддәти баша чатанда бизә тәклиф едибләр”.
Гејд едәк ки, 220 милјон нәфәр әһалиси олан Ниҝеријада ҹәми 4 милјон нәфәр, башга сөзлә әһалинин 3%-и пејвәнд олунуб. Әһали исә коронавирус хәстәлијини ҹидди гәбул етмир. Чүнки малјаријадан һәр саатда 10 нәфәр дүнјасыны дәјишир.
Диггәт: Хәбәрдән Истифадә Етдикдә Мәнбәјә Истинад Лазымдыр!