Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, дүнән, базар ҝүнү, 15 нојабр 2021 тарихиндә Парисдә јерләшән “Хоҹа Шиә Мәркәзи”ндә Үмумдүнја Әһли-Бејт (ә) Ассамблејасынын (ә) баш катиби Ајәтуллаһ “Рза Рамазанинин” һүзуру илә Имам Һәсән Әскәринин (ә) мүбарәк Милад бајрамы кечирилиб.
Үмумдүнја Әһли-Бејт (ә) Ассамблејасынын баш катиби Әһли-Бејтин (ә) Вилајәтинин танынмасы вә Һәзрәт Бәгијјәтуллаһа (ә) тәвәссүл едилмәсинин ваҹиблијини вурғулајараг, өзүнү тәкмилләшдирмәји, башгаларыны јетишдирмәји дүшүнүб, ҹәмијјәти гејбәт чағында зүһура һазырламағы Шиәләрин вәзифәсиндән сајыб.
О, бөјүк Шиә мистик вә алимләриндән, Ајәтуллаһ Беһҹәт кими шәхсијјәтләрдән ситат ҝәтирәрәк, диггәт вә тәмәркүзләшмәнин Имам Заман (ә) һәзрәтләринә јөнәлмәсинин вә о һәзрәт илә үнсијјәтин ваҹиблијини вурғулајыб.
Ајәтуллаһ Рамазани Имам Һәсән Әскәринин Шиә дүнјасы вә Әһли-бејт (ә) мәктәбиндәки ролунун әһәмијјәтинә тохунараг, белә бујуруб: “Пејғәмбәрин (с) вәфатындан сонракы 250 ил әрзиндә Шиә имамларынын маариф вә тәлимләри Ислам дүшүнҹәсиндә дәјишиклијә сәбәб олду”.
Үмумдүнја Әһли-Бејт (ә) Ассамблејасынын баш катиби Һәзрәт Бәгијјәтуллаһын (ә) вәлајәти илә бағлы мүзакирәләрдә белә дејиб: “Рәсули-Әкрәм (с) бујурур ки, Һәзрәт Меһдинин (ә) адәт-әнәнәләри вә сүннәти мәним адәтләрим вә сүннәтимдир. Јәни Пејғәмбәр өз вәһји илә аләмләрә рәһмәт ҝәтирдији кими, Имам Заман (с) һәзрәтләри дә дүнјада Аллаһын рәһмәтини инкишаф етдирмәк вә мәрһәмәтини ҝенишләндирмәк үчүн зүһур едәҹәкләр.”
Ајәтуллаһ Рамазани Пејғәмбәрин ајәләринә истинад едәрәк деди: Уҹа Аллаһ Пејғәмбәрә (с) хитаб едәрәк бујурур: “Биз сәни аләмләрә анҹаг рәһмәт олараг ҝөндәририк”. Пејғәмбәр (салләллаһу алејһи вә алиһ) дә өз миссијасы һаггында белә бујурмушдур: “Буна ҝөрә дә, Илаһи пејғәмбәрләрин ҝөркәмли хүсусијјәтләриндән бири ҝөзәл әхлага малик олмагдыр. Пејғәмбәрләр халга вә ҹәмијјәтә өрнәк олараг диҝәр саһәләрдә олдуғу кими, һәм фәрди әхлагда, һәм дә иҹтимаи мәсәләләрлә бағлы әхлагда инсанлара өрнәк олмушлар. Она ҝөрә дә Имам Меһди (ә) рәһмәт вә мәрһәмәт үчүн ҝәлир, өлдүрмәк, гылынҹыны чәкмәк вә мәһв етмәк үчүн дејил.”
О әлавә етди: Шиә һәдисләринә әсасән, Имам Заман (ә) Һаггын ҝениш рәһмәтинин тәҹәллисидир. Имам Заман һәзрәтләри зијарәтнамәләрин бириндә бу ҹүмлә илә хитаб олунмушлар: “Салам олсун Сәнә, еј Рәһман, Салам олсун Сәнә, еј Сонсуз вә Ҝениш Илаһи Рәһмәт”. Һәмчинин Имам Замандан (ә) белә нәгл олунур: “Һәгигәтән, сәнин Рәббинин рәһмәти һәр шеји әһатә едир вә мән Аллаһын сонсуз рәһмәтијәм” вә мәсумларын (ә) да кәламында дејилир ки, “Имам инсанлара ата аналарындан даһа шәфгәтлидир. Һз. Меһди (ә.с) сизин һамыныздан чох инсанлара сығынаҹаг верир, Онун Елми сизин һамыныздан даһа чохдур вә Онун рәһмәт вә лүтфү һамыныздан даһа ҝенишдир”.
Ајәтуллаһ Рамазани даһа сонра шиәләрин гејб дөврүндәки вәзифәләринә тохунараг дејиб: Бизим Гејбәт дөнәминдә олан вәзифәләримиз илә Мәсум Имамын (ә) һүзурунда олан вәзифәләримиз ејнидир. Бу вәзифәләрин ҹәмини бир ҹүмлә илә үмумиләшдирмәк олар вә демәк лазымдыр ки, Гејбәт дөврүндә Шиәләрин ән бөјүк вәзифәси Һәзрәт Меһдинин (ә) зүһуру вә гураҹағы үмүмдүнја һөкумәтинин заманыны ҝөзләмәкдир; Елә бир дөвләт ки бүтүн инсанлар арасында әдаләтин, әмин-аманлығын, мәрһәмәтин вә гардашлығын јајылдығы дөвләт олаҹагдыр.”
О, сонда дејиб: Имам Заманын (ә) зүһуруну вә гураҹағы һакимијјәтинин интизарыны чәкмәк, Гуранын вә Пејғәмбәрин (с) вә Әһли-бејтин (ә) сүннәсинин бүтүн әмрләрини јеринә јетирмәк вә бүтүн нәсилләри она ујғун тәрбијә етмәјә чалышмагдан ибарәтдир.
Гејд едәк ки, Ассамблејанын баш катибини бу сәфәрдә Бејнәлхалг Әһли-Бејт (ә) Университетинин ректору Һөҹҹәтүлислам Доктор “Сәид Ҹәзари” мүшајиәт едир.
..........................
Хәбәрин сону / 167-101
Диггәт: Хәбәрдән Истифадә Етдикдә Мәнбәјә Истинад Лазымдыр!