Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Јәмән медиасындакы мәнбәләр әрәб коалисија гүввәләринин Јәмәнин Сокотра адасындан чыхарылмасы вә Сәудијјә Әрәбистанына ҝери гајытмасы барәдә мәлумат јајыб.
Сокотра адасы Һинд океанынын шимал-гәрбиндә, Әдән көрфәзинин шәрг ҝиришиндә, Гырмызы дәнизин мүһүм тиҹарәт јолунун үзәриндә вә Баб әл-Мәндеб боғазына битишик олмагла, бөлҝәдәки тиҹарәт дәјәрини вә һәрби әһәмијјәтини икигат артырыр.
Бу ҝүнләрдә Исраил медиасы адада БӘӘ илә бирҝә һәрби база јарадылмасы барәдә мәлумат јајыб вә гејд едиб ки, бу базанын мәгсәди Макран дәнизи, Баб әл-Мәндеб боғазы вә Африка Бујнузу әразисиндә ҝәмиләрә нәзарәт етмәкдир.
Јәмән КИВ-ләринин мәлуматына ҝөрә, 2018-ҹи илдән Сокотрада јерләшдирилән 808-ҹи әрәб коалисија бригадасы бу ҝүн аданы практики олараг тәрк едиб.
“Әл-Хәбәр әл-Јәмани” порталынын мәлуматына ҝөрә, Сәудијјә ордусунун нөвбәти бригадасынын тәрк етмәк үчүн вахты һәлә мүәјјән едилмәјиб, лакин бу гүввәләрин бу јахынларда Сәудијјә Әрәбистаны әразисинә гајыдаҹағы ҝөзләнилир. Әдәндә јерләшән әрәб коалисијасынын гүввәләри артыг Сәудијјә Әрәбистанына гајытмышдыр...
Јәмән медиа мәнбәләри нојабрын 12-дә билдирибләр ки, Сәудијјә Әрәбистанынын тәҹавүзкар коалисијасынын башчылыг етдији бөлмәләр дә Јәмәнин гәрбиндә Әл-Һудејдә әтрафында бир чох әразиләри гәфил тәрк едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!