Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Хүсуси Тәјинатлы Гүввәләрин (ХТГ) команданы, ҝенерал-лејтенант Һикмәт Мирзәјев Шушанын азад олунмасы әмәлијјатындан данышыб.
Һикмәт Мирзәјев Мәдәнијјәт Назирлијинин дәстәји илә Бакы Медиа Мәркәзи вә “Салнамәфилм” студијасынын бирҝә истеһсалы олан “Шуша, сән азадсан!” сәнәдли филминдә дејиб ки, “диҝәр рајонларын азад едилмәсиндән фәргли олараг, Шуша әмәлијјатында мәним тәрәфимдән хүсуси тәләбләр гојулду. Әсас диггәт, ҝүҹ тапшырыгларын јеринә јетирилмәсинә ҹәмләнди”.
Онун сөзләринә ҝөрә, јухары команданлыға конкрет һансы тарихдә Шушанын азад олунмасы барәдә дә данышыб.
“Биз Һадруту, Фүзулини ишғалдан азад етдикдән сонра ҝеҹә-ҝүндүз јердән вә һавадан Шушанын кәшфијјатыны апардыг. Әмәлијјатын илк ҝүнү мән әмин идим ки, Шушаны ишғалдан тәмизләјәҹәјик. Һәтта мән Мүдафиә Назирлијиндә олан бир-ики нәфәрә дә бу барәдә билдирмишдим”.
Һикмәт Мирзәјев гејд едиб ки, Вәтән мүһарибәсинин бирмәналы олараг гәһрәманлары Азәрбајҹан әсҝәрләридир.
“Вәтән мүһарибәсиндә хүсуси тәјинатлы гүввәләрин һәлледиҹи ролу вә тарихә дүшәҹәк әфсанәви шүҹаәти данылмаздыр. Бизим шәхси һејәтимиз бүтүн рискләрә һазыр идиләр. Мәним планда нәзәрдә тутдуғум бүтүн фәалијјәтләри сөзсүз вә дәгигликлә, вахтында иҹра етдиләр. Шәхси һејәт бунунла бағлы инанылмаз вә әфсанәви гәһрәманлыг ортаја гојду”, - дејә о әлавә едиб.
Һикмәт Мирзәјев билдириб ки, Шушанын азад олунмасы бүтүн милләтимиз үчүн башуҹалығы иди:
“Биз өз шәрәфимизи ҝери гајтардыг. Биз тәкҹә Шушаны јох, Азәрбајҹанын намусуну, гејрәтини ҝери гајтардыг, шәрәфини бәрпа етдик”.
Гејд едәк ки, өтән ил, 27 Сентјабр, 2020-ҹи илдә ишғалчы сионист Исраил режими, АБШ, Гәрб Иттифагы вә Русијанын дәстәји илә, христиан Ермәнистан ишғалчы республикасынын Шиә Азәрбајҹан Республикасы әлејһинә башлатдығы Икинҹи Гарабағ мүһарибәсиндә Һүсејнчи әсҝәр вә забитләримиз ширин ҹанларындан кечәрәк торпагларымызы ҝери алмаға наил олмушлар...
Онлар, Аллаһ Тәалаја олан бағлылығы, Пејғәмбәр (сәллаәллаһу әлејһи вә алиһ) вә Онун Пак Әһли Бејтинә (әлејһимус-сәлам) олан итаәткарлыглары илә христиан ермәниләриндән сечилирдиләр...
Азәрбајҹанын шүҹаәтли иҝидләринин дөјүшләрдә бөјүк рәшадәтлик ҝөстәрмәләри мәһз Имам Һүсејн (әлеји сәлам) Мәктәбиндән алдыглары тәрбијәдән ирәли ҝәлирди...
Диггәт: Хәбәрдән Истифадә Етдикдә Мәнбәјә Истинад Лазымдыр!