Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, бу ҝүн, 25 октјабр, Базар ертәси, сәһәр радәләриндә, намәлум силаһлылар Суданын мүлки (сивил) кечид һөкумәтинин ән азы беш үзвүнү һәбс едибләр.
Јерли КИВ -ләрин јаздығына ҝөрә, Судан Баш назири Абдуллаһ Һамдуки сахланыланлардан биридир.
Бәзи хәбәрләр Абдуллаһ Һәмдүкүн ев дустағы олдуғуну ҝөстәрир, лакин бәзи мәтбуат органлары гошунларын игамәтҝаһа ҝирәрәк ону һәбс етдијини билдирир.
Баш назирлә бирҝә Судан сәнаје назири Ибраһим әш-Шејх, кәшфијјат назири Һәмзә Булл, Милли һөкумәт шурасынын үзвү Мәһәммәд әл-Фики Сүлејман, баш назирин медиа мүшавири Фејсәл Мәһәммәд Салеһ вә Иман Халид Хартум валиси дә сахланылыб.
Гејд едәк ки, чеврилиш ҹәһди АБШ-ын Африка үзрә хүсуси елчиси Жеффреј Фелтманын Судан ордусу вә мүлки рәсмиләри илә ҝөрүшүндән ики ҝүн сонра баш верди.
Диггәт: Хәбәрдән Истифадә Етдикдә Мәнбәјә Истинад Лазымдыр!