АБНА24 Хәбәр Верир, Ниҝерија Ислам Һәрәкаты билдириб ки, сентјабрын 28-и Ниҝеријанын пајтахты Абуҹада тәһлүкәсизлик гүввәләри Имам Һүсејнин (ә) Әрбәини мүнасибәтилә әзадарлыг мәрасими кечирәнләрә һәгиги ҝүлләләрдән атәш ачыблар.
Ниҝерија Ислам Һәрәкатынын үзвү Абдуллаһ Мәһәммәд, әрбәин мәрасиминдә иштирак едәнләрин Абуҹа-Кубва јолунда динҹ јүрүш кечирәркән, полис тәрәфиндән атәшә тутулдугларыны билдириб.
Абдуллаһ Мәһәммәдин дедијинә ҝөрә, полисин атәш ачмасы нәтиҹәсиндә ән азы 8 нәфәр шәһид олуб, хејли сајда инсан исә јараланыб.
Әрбәин вә Ашура јүрүшләри 40 илдир ки, Ниҝеријанын һәр јериндә кечирилир, лакин сон заманларда һөкумәт Ниҝерија Ислам Һәрәкатына вә јүрүшләри тәшкил едән рәһбәрлијинә тәзјиг ҝөстәрдији үчүн гәддар һүҹумларла үзләшиб.
Ниҝерија ордусу вә полиси, 2015-ҹи ил декабрын 13-дә, Кадуна әјаләтинин Зариа шәһәриндәки Бәгијјәтәллаһ һүсенијјәсинә вәһшиҹәсинә һүҹум едәрәк, јүзләрлә инсаны, о ҹүмләдән Ниҝерија Ислам Һәрәкатынын лидери Шејх Ибраһим Зәкзакинин үч өвладыны шәһид етдиләр.
342/
мәнбә : ABNA24
cümə axşamı
30 sentyabr 2021
13:47:40
1184711
Ниҝеријада полис гүввәләри сентјабрын 28-дә Имам Һүсејнин (ә) шәһадәтинин 40-ҹы ҝүнү (Әрбәин) мүнасибәтилә әзадарлыг мәрасими кечирәнләрә һүҹум едәрәк, ән азы 8 нәфәри шәһид едибләр.