АБНА24 Хәбәр Верир, Мисрин 28. Бејнәлхалг Гурани-Кәрим јарышлары ҹари илин Декабр ајынын 11-дән 15-дәк кечириләҹәк.
Бу барәдә Мисрин Ислами Фондлар вә Дини Ишләр Назири Мәһәммәд Мухтар Әли Ҹүмә мәлумат вериб.
О әлавә едиб ки, бу јарышларын галибләринин мүкафатландырылмасы үчүн 1 милјон Миср понду (63,618 доллар) бүдҹә ајрылыб.
Мисрин бејнәлхалг Гуран јарышларынын иштиракчылары ашағыдакы ихтисаслар үзрә јарышаҹаглар:
1). Гурани-Кәрим тәҹвид гајдалары вә мәфһумларынын дәрки илә һифз едилмәси вә тәртил илә тилавәти (35 јаш алтында әрәбдилли гадынлар вә кишиләр үчүн).
2). Гурани-Кәрим тәҹвид гајдалары һифзи вә тилавәти (јашы 30 алтында олан гејри-әрәб киши вә гадынлар үчүн).
3). Хүсуси гајғыја еһтијаҹы оланлар арасында Гуранын садә һифзи, јашы 30-дан чох олмамасы шәрти илә.
4). Ушаглар вә јенијетмәләр арасында Гурани-Кәримин һифзи, иштиракчыларын јашы 12-дән чох олмамасы шәрти илә.
Мисрин Ислами Фондлар вә Дини Ишләр Назири Мәһәммәд Мухтар Әли Ҹүмә билдириб ки, јарышларда илк јерләри кәсб етмәјән, амма үмуми имтијазы 75-дән чох оланлара да тәшвиги һәдијјәләр вериләҹәк вә бунун үчүн 140 мин Миср понду бүдҹә тәдарүк ҝөрүлүб.
342/
мәнбә : ABNA24
çərşənbə
4 avqust 2021
17:12:31
1166548
Мисрин 28. Бејнәлхалг Гурани-Кәрим јарышлары ҹари илин Декабр ајынын 11-дән 15-дәк кечириләҹәк. Бу барәдә Мисрин Ислами Фондлар вә Дини Ишләр Назири Мәһәммәд Мухтар Әли Ҹүмә мәлумат вериб.