Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, зүлмә мәруз галан Ниҝерија Ислами Һәракатын Лидери, дин хадим Шејх Ибраһим Зәкзаки вә һәјат јолдашы Ханым Зинат Ибраһим 6 ил ҝүнаһсыз јерә һәбсханада јатдыгдан сонра 28 ијул, 2021 тарих, Чәршәнбә ҝүнүндә сәрбәст бурахылараг Кадуна шәһәриндәки оғлу Мәһәммәд Зәкзакинин евинә ҝедибләр.
Ниҝерија мүбариз вә мүгавимәтчи халгы бу һадисәдән чох тәсирләнәрәк, шадлыг едир вә Аллаһ тәала јолунда гурбанлар кәсәрәк, дуалар едирләр.
Гејд едәк ки, мәһкәмә бундан өнҹә дә бәраәт гәрарыны вермишдир, лакин Ниҝерија һөкумәти вә һәрби гүввәләр тәрәфиндән иҹра едилмәмишдир.
Ниҝерија һөкумәти индијә гәдәр Закзакинин мүхтәлиф бәһанәләрлә сәрбәст бурахылмасыны рәдд едирди, һәтта өзүнә вә һәјат јолдашына лазыми тибби јардым ҝөстәрилмәсинә иҹазә вермирди.
Хатырладаг ки, Шејх Ибраһим Закзаки вә онун һәјат јолдашы 2015-ҹи ил декабрын 13-дә Ниҝерија һәрбчиләринин Зариа шәһәриндәки һүсејнијјәјә гаршы һүҹумунда ағыр јараланды вә елә һәмин вәзијјәтдә дә һәбс олунду. Ниҝеријанын орду гүввәләри Шејх Зәкзакинин һәбс олундуғу ҝүн һүсејнијјә вә онун мәнзили гаршысына топлашанлара тәрәф атәш ачараг, Зәкзакинин үч ушағы дахил олмагла ики мин Шиәни шәһид етдиләр.
Гејд едәк ки, Ниҝеријанын али мәһкәмәси 2016-ҹы илин декабрында Шејх Зәкзакинин тез бир заманда азад едилмәси барәдә һөкм чыхарды вә бу өлкәнин ордусу вә хәфијјә тәшкилатларыны онун аиләсинә 150 мин доллар компенсасија өдәмәјә мәһкум етди, амма гејд олунан органлар бу һөкмүн иҹрасындан бојун гачырараг, Шејх Зәкзакини һәбсдә сахламагда давам етдиләр.
Диггәт: Хәбәрдән Истифадә Етдикдә Мәнбәјә Истинад Лазымдыр!