Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Африка гитәсинин Сјерра Леоне дөвләтинин танынмыш вә нүфузлу алимләриндән бири олан мәрһум нүфузлу алим, Һөҹҹәтүл-Ислам вәл-Мүслимин Шејх "Әһмәд Тиҹан Сила" нын садиг һәјат јолдашы Һаҹы ханым "Хәдиҹә Сила" да вәфат етди.
О, һәјат јолдашы вәфат етдикдән аз бир мүддәт сонра, мәрһум әринин дәфн мәрасиминдә аз мүддәт сонра фани дүнја илә видалашыб.
Бу гәмли һадисәдән ардынҹа Үмүмдүнја Әһли-бејт (әлејһимус сәлам) Ассамблејасы Бејнәлхалг Ишләр Бүросунун Гадын вә Ушаглар департаменти башсағлығы месажы верди.
Башсағлығы месажынын мәтни беләдир:
“Аллаһын Ады илә
Биз Аллаһа мәхсусуг вә Онун јанына гајыдырыг
Сјерра Леоне-дә Үмумдүнја Әһли-Бејт (ә.с) Ассамблејасынын мәрһум нүмајәндәси Шејх "Әһмәд Тиҹан Сила" нын иманлы, кәрамәтли садиг вә шәрәфли һәјат јолдашы Һаҹы Ханым "Хәдиҹә Сила" нын вәфат етдији хәбәр бөјүк кәдәр вә һүзнә сәбәб олду.
Үмүмдүнја Әһли-бејт (ә.с) Ассамблејасы мәрһумун сағ галан бүтүн јахынларына башсағлығы верир, онлара јашајышларында шәрәф вә мүвәффәгијјәтләр арзулајыр, мәрһумә ханыма вә мәрһумәнин дәјәрли һәјат јолдашы үчүн Илаһи мәрһәмәт вә разылыг диләјир.
Үмүмдүнја Әһли-Бејт (ә.с) Ассамблејасынн
ГадынвәАиләДепартаменти.
29. Ијун. 2021”
Хатырладаг ки, мәрһум Әһмәд Тиҹан Африка гитәсинин танынмыш вә нүфузлу алимләриндән бири иди. О, Сјерра Леоненин ән бөјүк Мәсҹидләриндән бири олан Фритаун Мәсҹидинин Имам Ҹаматы вәзифәсиндә чалышырыды. Шејх Әһмәд Тиҹан Сила һәмчинин мүсәлманлар вә христианлардан ибарәт Сјерра Леоне Динләр арасы шуранын үзвү, һабелә Сјерра Леоне Бирләшмиш Мүсәлманлар Шурасынын али үзвләриндән бири иди. Шејх Әһмәд Тиҹан Сила 27, Ијун, 2021 тарихдә фани дүнја илә видалашараг Һагга говушмушдур.
Диггәт: Хәбәрдән Истифадә Етдикдә Мәнбәјә Истинад Лазымдыр!