Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ниҝерија Президенти Мәһәммәд Буһари мәктуб јазараг Һөҹҹәтүл-Ислам вәл-Мүслиминин Сејид Ибраһим Рәисини президент сечкиләринин 13-ҹү турунда гәләбәси мүнасибәтилә тәбрик едиб.
О, мәктубда Иран вә Ниҝерија халгларынын әмәкдашлығын ҝенишләндирилмәси үчүн чалышаҹагларыны ифадә едәрәк, билдириб: "Иран халгынын бу сечими бир даһа дүнјадакы демократијаларын мүвәффәгијјәтиндә халгын ирадәсинин әсас амил олдуғуну ҝөстәрди."
Иран Ислам Республикасынын президент сечкиләринин нәтиҹәләринә реаксија ҝөстәрән Буһари, һәмчинин дејиб: "Ибраһим Рәиси, президент сечкиләриндәки сон гәләбәјә лајиг иди."
Ниҝерија Президенти вурғулајараг дејиб: “Демократија халг үчүн јенидән сечилмәјә вә ја нүмајәндәләрини сүлһ јолу илә дәјишдирмәсинә имкан јарадыр.”
Буһари, Һөҹҹәтүл-Ислам вәл-Мүслиминин Сејид Ибраһим Рәисини, Ираны даһа јүксәк зирвәләрә вә даһа јахшы бир ҝәләҹәјә апара биләҹәк тәҹрүбәли бир сијасәтчи олараг характеризә етиб.
Ниҝерија Республикасынын Президенти мәктубун сонунда билдириб: “Уҹа Аллаһ бу ағыр сечки мәсулијјәтини һәјата кечирмәк үчүн сизә јардымчы олсун.”
Ниҝерија Республикасынын Президенти Муһәммәду Буһари кимдир???
Хатырладаг ки, Муһәммәду Буһари 13 декабр, 2015 тарихдә Ниҝерија Шиәләринә гаршы һәјата кечирилән амансыз вә вәһши бир һадисәнин мәсул шәхсидир. Онун әмри илә, Ниҝерија тәһлүкәсизлик гүввәләри Зарија шәһәриндә мүәммалы шәкилдә Ниҝерија Ислами Һәракатын лидери вә Ниҝерија Шиәләринин рәһбәри Шејх Зәкзакинин мәнзилинә дәһшәтли һүҹум тәшкил едир. Сонра Ниҝерија тәһүлкәсиз гүввәләри Шејх Зәкзәкијини һәбс етмишләр. Һәбс заманы күтләви сүрәтдә әлијалын силаһсыз Шиәләр Шәһид едилмиш вә Шејх ҝөз вә синә наһијјәсиндән ҝүллә јарасы алараг ағыр ајраланмышдыр. Һәмчинин Шејхин 3 оғлу вә бир гызы да бу һүҹумда Шәһид олмуш ханымы исә ағыр јараланмышдыр.
Ниҝерија тәһлүкәсизлик гүввәләри бу һадисәдән бир ҝүн сонра Зариа шәһәриндә јенидән Шиәләрин дини мәрасиминә һүҹум едир. Онларын Мәсҹид вә Һүсејнијјәләринә од вурараг јандырыб арадан апарыр.
Гејд едәк ки, бу ики һүҹум нәтиҹәсиндә ики миндән артыг Шиәнин Шәһид олдуғу билдирилмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!