Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Африка гитәсинин гәрбиндә, Атлантик океаны саһилләриндә јерләшән Сјерра Леоне дөвләтинин Шиә алими вә Үмүмдүнја Әһли Бејт (әлејһимус сәлам) Ассамблејасынын бу өлкәдәки рәсми нүмајәндәси Һөҹҹәтүл Ислам вәл Мүслимин Шејх Әһмәд Тиҹан Сила вәфат едиб.
Мәрһум Әһмәд Тиҹан Африка гитәсинин танынмыш вә нүфузлу алимләриндән бири иди. О, Сјерра Леоненин ән бөјүк Мәсҹидләриндән бири олан Фритаун Мәсҹидинин Имам Ҹаматы вәзифәсиндә чалышырыды.
Шејх Әһмәд Тиҹан Сила һәмчинин мүсәлманлар вә христианлардан ибарәт Сјерра Леоне Динләр арасы шуранын үзвү, һабелә Сјерра Леоне Бирләшмиш Мүсәлманлар Шурасынын али үзвләриндән бири иди.
Гејд едәк ки, Сјерра Леоне 1961-ҹи илдә инҝилис мүстәмләкә әсарәтиндән чыхараг мүстәгиллијини елан етмиш, 10 ил сонра краллыг үсул-идарә системиндән имтина едәрәк, республикаја чевирилмишдир. 90-ҹы илләрдән башлајараг 2002-ҹи илә гәдәр дағыдыҹы бир вәтәндаш мүһарибәси јашамышдыр. Өлкә әразисиндә БМТ сүлһмәрамрылары фәалијјәт ҝөстәрмәкдәдир.
Алмаз мә'дәнләри бахымындан олдугҹа зәнҝиндир, буна бахмајараг гәрбли мүстәмләкәчиләрин тәһрик етдији вә ҝөз јумдуғу вәтәндаш мүһарибәси нәтиҹәсиндә бир хејли јохсуллашмышдыр.
Өлкә әһалисинин 78%-и ислам, 21%-и христиан, 1%-и исә диҝәр динләрә ситајиш едир.
Диггәт: ХәбәрдәнИстифадәЕтдикдәМәнбәјәИстинадЛазымдыр!