Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, башда Инҝилтәрә олмагла сионист вә империалист гүввәләрин чохһәдәфли планлар әсасында Ҹәнуби Гафгазда Шиәлик әлејһинә башлатдыглары Икинҹи Гарабағ Мүһарибәсиндә һәгигәтән дүшмән гүввәләри өз чиркин вә мурдар планларына там чатмагға наил ола билмәдиләр. Бунун исә әсас сәбәби Азәрбајҹан Шиә Халгынын дөјүшләрә “Аллаһ! Муһәммәд! Ја Әли!”, “Ләббејкә Ја Һүсејн!”, “Ләббејкә Ја Әли!”, “Аллаһу Әкбәр”, “Лә Иләһә илләлләһ”, “Муһәммәдун Рәсулуллаһ!”, “Әлијјән Вәлијјуллаһ”, “Ја Муһәммәд! Ја Әли! Кимдир ахы ермәни?!” кими дини шүарлар илә гатылараг, Шәһидлик зирвәсинә уҹалмаға ҹан атырдылар. Һүсејнчиләр намазларыны әввәл вахтында гылыр, оруҹ ағыза дөјүшүрдүләр вә Шәһид олурдулар...
Азәрбајҹанын Һүсејнчи әсҝәр вә забитләри дөјүшләрдә Шәһид олдугдан сонра ҝүнләрлә вә һәтта ајларла ҹәбһә бөлҝәсиндә галдыгда белә ҹәсәдләриндә һеч бир чүрүмә проссеси ҝетмир вә инсаны шадаб едән әтир дујғулары онларын пак ҹәсәдләриндән ҝәлирди.
Шејх Һүррүл Амили өзнүн тәлиф етдији Вәсаилу Шиә китабынын 11-ҹи ҹилдинин 10-ҹу сәһифәсиндә Мәсумлардан белә бир рәвајәт едир ки, шәһидә Аллаһ тәрәфиндән једди хүсусијјәт әта олунмушдур: “Шәһидин илк дамла ганы ҝүнаһларынын бағышланмасына сәбәб олар. О, башыны һурул-ејнин ағушуна гојар.
Шәһид Беһишт либаслары илә бәзәнәр. О, ән хош гохулу әтирләрлә әтирләнәр. Шәһид Беһиштдә өз јерини мүшаһидә едәр. Пәрдәләр кәнара чәкиләр вә шәһид Аллаһын лүтфүнә нәзәр салар.”
Белә бир Һүсејнчи забит иҝидләримиздән бири дә Шәһид Һәсәнәғәдир. Азәрбајҹанын Талыш Бөлҝәсинин Ләнкәран шәһәриндән олан Һәсәнаға Абдуллазадә 1993-ҹү ил мартын 9-да Ләнкәран шәһәриндә анадан олуб. Узун илләр өвлад һәсрәти чәкән аиләнин тәк вә јеҝанә өвлады.
О, 1999-2007-ҹи илләрдә Р.Бәдәлов адына 9 сајлы Ләнкәран шәһәр там орта мәктәбиндә, 2007-2010-ҹу илләрдә Ҹәмшид Нахчывански адына Һәрби Лисејдә тәһсил алыб. Али һәрби тәһсилини 2010-2014-ҹү илләрдә Һејдәр Әлијев адына Азәрбајҹан Али Һәрби Мәктәбиндә (ААҺМ) сона јетириб. Али мәктәби “лејтенант” һәрби рүтбәси илә битирдикдән сонра 2014-2015-ҹи илләрдә Силаһлы Гүввәләрин Тәлим-Тәдрис Мәркәзиндә иштирак етдији забит тәкмилләшдирмә курсуну уғурла баша вуруб.
Һәсәнаға Абдуллазадә Шакир оғлу һәрбичи олмасы илә јанашы өз дининә, Гуранына вә Әһли Бејт (әлејһимус сәлам) Мәктәбинә бағлы бир ҹаван иди. Елә мәһз буна ҝөрә дә аилә гурдугда Һиҹаблы вә иффәтли ханымла аилә һәјаты гурур.
Даһа сонра Һәсәнаға Абдуллазадә 2015-ҹи илдә Азәрбајҹан Силаһлы Гүввәләринин Ҝәдәбәј рајонунда јерләшән “Н” сајлы һәрби һиссәсиндә хидмәтә башлајыр. 2017-ҹи илдән хидмәтини “баш лејтенант” һәрби рүтбәси алтында давам етдирирди.
Башда Инҝилтәрә олмагла сионист вә империалист гүввәләрин чохһәдәфли планлар әсасында Ҹәнуби Гафгазда Шиәлик әлејһинә башлатдыглары Икинҹи Гарабағ Мүһарибәсиндә Азәрбајҹан Силаһлы Гүввәләринин баш лејтенанты олан Һәсәнаға Абдуллазадә 2020-ҹи ил сентјабрын 27-дә мүһарибәнин башланан ҝүнү Муровдағын азадлығы уғрунда ҝедән дөјүшләрдә иштирак едиб, даһа сонра исә Ағдәрә вә Кәлбәҹәр ҹәбһәләриндә савашмышдыр.
Аиләси илә телефон данышығында “Мән өз истәјимә чатаҹам, Кәлбәҹәрә бајрағы мән санҹаҹам” дејән командир Һәсәнаға тәәссүф ки, дөјүш јолуна сонадәк давам едә билмир. Анасы белә дејир: “Ахырынҹы дәфә Октјабр ајынын 1-и данышдыг. Бизә һарада олдуғуну демәди, атасы Кәлбәҹәри нәзәрдә тутараг шифрәли формада сорушду ки, кәндә тәрәф? Деди, һә. Мүәјјән әразиләри азад едибләр, амма сонра пусгуја дүшүбләр”.
Атасы Шакир киши белә дејир: “Шәһид олдугдан 7 ҝүн сонра мәним хәбәрим олду. Амма анасындан вә һәјат јолдашындан ҝизләтдим. Шәрәфсизләр шәклини чәкиб ермәни сајтында пајлашмышдылар. Һәрби һиссәјә ҝедиб марагландым. Ҝөрдүм үзүмә баха билмирләр. Дедим, мәнә киши кими дејин. Дедиләр, әми, Һәсәнаға вурулду, ҝөтүрә билмәдик. Һәмин ҝүн, октјабрын 9-у атәшкәс елан олунмалы иди. 72 сајлы һәрби һиссәдә ермәни һәрбчиләрин ҹәсәдләрини топламышдылар, дәјишмәк үчүн апарырдылар. Дедиләр, бир ҝүн ҝөзлә, биз Һәсәнағаны ҝәтирәҹәјик. Мән ики ҝүн ҝөзләдим һәрби һиссәнин габағында. Ҝәлиб дедиләр ки, ҝирә билмәдик, атәшкәси поздулар”.
Шәһид баш лејтенант Һәсәнаға Абдуллазадәнин пак нәши ајларла дүшмән тәрәфдә галыр. Октјабрын 3-ү шәһид олан гәһрәманын мүбарәк ҹәназәси јалныз јанвар ајынын 13-ү аиләсинә тәһвил верилир.
Јанварын 14-дә Кәлбәҹәр рајону әразисиндә шәһид олдуғу мүәјјәнләшир вә Икинҹи Фәхри Хијабанда торпаға тапшырылыр.
Шәһидин атасы Шакир киши баласы һаггында ағлаја-ағлаја белә дејир: “Јүз он ики ҝүн мән онун Шәһид олмасыны аиләмдән, ҝәлнимдән ҝизләтдим. Дашлара, диварлара данышырдым дәрдими. Јатмырдым. Үстүмү өртмүрдүм ки, бирдән јатарам, јухум ширин ҝәләр мәнә. Мән бурда исти јорған, дөшәкдә ушағын бәлкә орда сојуғудур... Дөрд аја јахын әт нә олан шејдир јемәдим... Ҝенә мән бу ҝүнкү ҝүнә шүкр едирәм ки... Ону билирәм ки, Аллаһ һәгигәтән истијрди бизи вә ушағымызы. 112 ҝүндән сонра бизим ушағымызы бизә тәһвил верәндә (Шакир ата ағлаја-ағлаја дејир) мәним оғлумда бир грам дәјишилик јох иди. Мән һәтта ҝедиб дарағ алдым онун сачларыны дарадым... Әввәл јахынлашмаг истәмирдик. Ушағымыздан имтина едирдик. Ҝүја ки, танымырыг, ҝүја бизим оғлумуз дејил... Бирҹә о галмышдыр ки, Һәсәнаға дура вә дилә ҝәлә ки, Атаҹан нијә мәнә јијә дурмурсан?. Анд олсун Аллаһа (дејиб Шакир ата ағламаға башлајыр)...
Гејд едәк ки, Шәһид Һәсәнаға Абдуллаһзадә өлүмүндән сонра ҝөстәрдикләри ҹәсурлуг вә рәшадәтликләрә ҝөрә Азәрбајҹан дөвләти тәрәфиндән һеч бир медал илә тәлтиф олунмајыб.
Диггәт: Хәбәрдән Истифадә Етдикдә Мәнбәјә Истинад Лазымдыр!