АБНА24 Хәбәр Верир, Сәна һөкумәтинә бағлы Һәрби Информасија Мәркәзи Јәмән ордусунун Сәудијјә Әрәбистанынын ҹәнубунда һәјата кечирдији гәфил һүҹумун ҝөрүнтүләрини јајымлајыб. Сәна һөкумәти гүввәләринин әмәлијјатынын Сәудијјә Әрәбистанынын ҹәнубундакы Нәҹран шәһәринин Талаа бөлҝәсиндә баш вердији билдирилиб. Нәҹранын Талаа бөлҝәсиндәки Сәудијјә режиминин гүввәләринин, Јәмән Милли Гуртулуш һөкумәтинә бағлы Јәмән ордусунун диггәтли бир кәшфијјат әмәлијјатындан сонра һәјата кечирдији һүҹумда ағыр зәрбәләрә мәруз галдығы билдирилиб. Јәмән ордусу вә ингилаби халг комитәләринин сәудијјәлиләрә гаршы әмәлијјаты о гәдәр гәфил олуб ки, сәудијјәлиләрин гачмагдан башга јолу галмајыб. Әл-Мәсирә телевизијасы Јәмән ордусунун әмәлијјатынын бөлҝәнин сон дәрәҹә дик олмасына бахмајараг, әмәлијјатын һәддән артыг уғурлу кечдијини вә Сәудијјә режиминин ордусунун әсҝәрләринин силаһларыны атараг гачдығыны вә јәмәнлиләрин дүшмән мөвгеләрини чох гыса мүддәтдә әлә кечирдијини билдириб. Диҝәр тәрәфдән, коронавирусдан өлдүјү дејилән Сәудијјә режиминин дәстәкләдији Мансур Һади режиминин гүввәләриндән 159-ҹу бригаданын командири Сејф Шәддадинин өлдүрүлдүјү билдирилиб.
342/