Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Биринҹи Гарабағ мүһарибәсиндә олдуғу кими Икинҹи Гарабағ мүһарибәсиндә дә дөјүшләрдә әсас амил дин фактору иди. Хачла дөјүшә ҝирән ермәниләр Азәрбајҹан әсҝәрләрини “Молла” адландырырдылар. Ислам дүнјасынын ајрылмаз парчасы олан Азәрбајҹан торпагларынын әрази бүтөвлүјү уғрунда вурушан Азәрбајҹан әсҝәрләри дә дөјүшләрә “Аллаһ! Муһәммәд! Ја Әли!” дејәрәк дахил олурдулар.
Дөјүш мејданларында диндарлыг вә Әһли-Бејт (әлејһимус сәлам) Мәктәбинин ҝөстәришләринә әмәл етмәк Азәрбајҹан әсҝәрләринә руһ јүксәклији верән ән әсас амил иди…
Илләрлә ермәни ишғалында галмыш мүгәддәс Ислам торпагларыны азад едән әсҝәрләримиз илк өнҹә бурада Аллаһ Тәалаја ибадәтләр едир, шүкранә сәҹдәси едәрәк, шәһидләрин руһларынын шад олмасы хатринә Мәсум Имамлара мәрсијјәләр дејир, Гуран Кәримин сүрә вә ајәләрини тилавәт едирдиләр...
Зүрарә Имам Багирдән (әлејһи сәлам) белә нәгл едир: “Намаз гыланда һүзури-гәлблә вә диггәтлә гыл! Чүнки сәнин намаздан нәсибин – тәкҹә она олан диггәтин гәдәрдир. Һеч вахт намазда әлинлә, башынла, үзүнлә ојнама, үрәјиндә данышма, әснәмә!”. (Мизанул Һикмә)
Диггәт: Хәбәрдән Истифадә Етдикдә Мәнбәјә Истинад Лазымдыр!