Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, 2020-ҹи ил Сентјабрын 27-дә ишғалчы Ермәнистан силаһлы бирләшмәләри бөјүк тәхрибат төрәтмәк мәгсәди илә Ислам Дүнјасынын ајрылмаз ҝүшәси олан Әһли Бејт Јурду Азәрбајҹан Республикасынын әразиләринә һүҹум етди. Азәрбајҹан Республикасынын Мүдафиә Назирлијинин рәсми мәлуматы јајымланды: "Азәрбајҹан Ордусу бүтүн ҹәбһә боју әкс-һүҹум әмәлијјатына башлајыб, дүшмәнә сарсыдыҹы зәрбәләр ендирир, шәһидләримиз вар...". Азәрбајҹан Ордусунун һиссәләри һүҹумун гаршысыны гәтијјәтлә алды. Әкс-һүҹум әмәлијјатына башланылды. Азәрбајҹанда һәрби вәзијјәт вә гисмән сәфәрбәрлик елан едилди.
Бүтүн ҹәбһә боју шиддәтли дөјүшләр давам едир, дүшмән мүгавимәт ҝөстәрирди. Азәрбајҹанын Имам Һүсејнә (әлејһи сәлам) ашиг олан Ордусу мүдафиә хәттини јармаг үчүн гәтијјәтлә дөјүшүрдү. Онлар дөјүшә башладыгда “Бисмиллаһ” дејиб, “Ја Саһиб Заман!”, “Ја Әбүлфәз!”, “Ја Һүсејн!”, “Аллаһу Әкбәр!”, “Ләббәјкә Ја Һүсејн!”, “Ләббејкә Ја Әли!”, “Аллаһ ! Муһәммәд! Ја Әли!”, “Ја Әли Кимдир Ахы ермәни!”, “Ја Әли! Анҹаг Ирәли!” кими дини шүарларла нәрә чәкәрәк, дүшмән гүввәсинин гәлбинә хоф вә горху салыб ҹәбһә боју ирәлиләјирдиләр. Мүдафиә Назирлијинин ҹәбһәдәки вәзијјәтлә бағлы кечирдији брифингдә Фүзули вә Суговушан истигамәтиндә дүшмән мүдафиәсинин јарылмасы, дүшмәнин Муров јүксәклијиндән узаглашдырылмасы һаггында мәлумат верилди. Бу информасија иҹтимаијјәтин дә, дөјүшәнләрин дә руһ јүксәклијинә сәбәб олду. Бу, дөнмәз ҹошгу иди.
Диҝәр тәрәфдән дә Азәрбајҹанын Шиә Халгы дөјүшән ордуја мадди вә јүксәк сәвијјәдә мәнәви дәстәјини әсирҝәмирди. Халгын бу инамы, бу ҝүвәнҹи дөјүшәнләрин гәләбә руһуну күкрәдирди.
Дүнја иҹтимаијјәтинин диггәти Азәрбајҹана вә Азәрбајҹанын апардығы әдаләтли мүһарибәјә јөнәлмишди. Азәрбајҹан Республикасы дүнја иҹтимаијјәтинә үнванладығы тәк месажы бу иди: "Биз һаглыјыг, биз өз торпағымызда вурушуруг, өз торпағымызда Шәһидләр веририк. Бизим савашымыз мүгәддәс савашдыр!".
Орду һиссәләримиз дөјүшә-дөјүшә гәләбәләр газанырды. Октјабрын 3-дә Суговушан дүшмәндән азад едилди. Бу гәләбә ордунун дөјүш әзмини, гәләбә руһуну даһа да күкрәтди. Дүшмән илк бөјүк мәғлубијјәтә уғрадылды. Халг бу гәләбәни Бөјүк Гәләбәнин башланғыҹы билди. Дөјүшчүләримиз Ҹәбрајыл истигамәтиндә дүшмәни мүдафиәнин дәринлијинә сыхышдырырды. Октјабрын 4-дә Ҹәбрајыл рајон мәркәзи ишғалдан азад едилди. Халг бу гәләбәни дә бөјүк ҹошгу илә гаршылады.
Ҹәбһәдә ағыр зәрбәләр алан дүшмән мәғлубијјәтин аҹысыны һисс етмишди, әсҝәрләри дә, забитләри дә силаһы, сурсаты, дөјүш техникасыны атыб гачырды. Азәрбајҹанын Һүсејнчи һәрбичиләри дөјүшә-дөјүшә ирәлиләјир, јени јашајыш мәнтәгәләрини, стратежи јүксәкликләри ишғалдан азад едирди. Дүшмәндән азад олунан сәнҝәрләр, истеһкамлар тәсдигләјирди ки, дүшмән чох ҹидди мүдафиә сәдди јарадыбмыш. Лакин ҝәрҝин дөјүшләр заманы елә бир вәзијјәт јаранмышды ки, дүшмән ҝери чәкиләндә нөвбәти сәнҝәрдә мөһкәмләнә билмәјир, ҝери чәкилмәјә мәҹбур олурду...
Чәтин физики чоғрафи шәраитләрдә, дағлыг, мешәлик шәраитиндә дөјүш тапшырығыны јеринә јетирән Имам Һүсејн (әлејһи сәлам) Мәктәбинин давамчылары бөјүк гәһрәманлыглар ҝөстәрдиләр. Онлар һәрби нәзәријјәјә әсасән, гәфиллик вә дүшмәнин ҝөзләмәдији јердән ону вурмагла, кечилмәз гајалардан, мешәләрдән, чискинли, думанлы вә јағышлы һаваларда да дүшмәнин ичәрисинә сызмағы баҹардылар, мүмкүн олмајаны мүмкүн едә билдиләр.
Суговушан, Ҹәбрајыл, Ағоғлан, Фүзули, Худафәрин, Зәнҝилан, Губадлы, Шуша иш-ғалдан азад едилди. Дөјүшдә мәғлубијјәтини гәбул едән дүшмән үчтәрәфли разылашманын шәртләринә әсасән Ағдам, Кәлбәҹәр вә Лачындан чыхмаг мәҹбуријјәтиндә галды.
Мүшаһидә едәҹәјиниз видеода да Икинҹи Гарабағ Мүһарибәсндә бөјүк шүҹаәт вә рәшадәтликләрлә иштирак едән Имам Һүсејн (әлејһи сәлам) Мәктәбинин јенилмәз давамчыларыдыр. Онлар дөјүш бөлҝәсиндә һәләлик ады билинмәјән Шәһидин ҹәназәсини тапараг өзләри илә арха ҹәбһәјә евакуасија едирләр. Јолда һәрбичиләрдән бири Имам Һүсејнин көрпә баласы һәзрәти Әли Әсғәрә мәрсијә охујараг Шәһидләримизин руһуну шад едир.
Диггәт: Хәбәрдән Истифадә Етдикдә Мәнбәјә Истинад Лазымдыр!