АБНА24 Хәбәр Верир, Јәмәнин бир чох вилајәтиндә Сәудијјә режиминин рәһбәрлик етдији ишғалчы коалисијасынын һүҹумларынын башламасынын 7-ҹи илдөнүмүндә ишғалчылара гаршы издиһамлы јүрүшләр кечирилиб. Мәлумата ҝөрә јүз минләрлә јәмәнли сакин Сәудијјә режими вә БӘӘ-нин алты иллик тәҹавүзкарлығына гаршы етираз етмәк үчүн өлкәнин 20-дән чох шәһәриндә күчәләрә чыхыблар. Пајтахт Сәна башда олмагла, өлкәнин Саада, Һаҹҹәһ, Ибб, Һудејда, Таиз, Зомар, Ҹоуф вә диҝәр шәһәрләриндә күчәләрә чыхан Јәмән халгы, сонунҹу ишғалчыны гованадәк мүгавимәтләрини давам едәҹәкләрини бәјан едибләр. "Өлүм олсун Америкаја", "Өлүм олсун Исраилә", "Өлүм олсун Али Сәуда" шүарларыны сәсләндирән јәмәнлиләр мүгавимәтдән һеч вахт имтина етмәјәҹәкләрини билдирибләр. Дүнән (26 март) халга мүраҹиәт едән Јәмән ингилабынын рәһбәри вә Әнсаруллаһ һәрәкатынын лидери Сејид Әбдүлмәлик Бәдрәддин Әл-Һуси, АБШ, Исраил режими вә Бөјүк Британијанын Јәмән мүһарибәсинин дәстәкчиләри олдугларыны билдирәрәк, Сәудијјә режими вә БӘӘ-нин садәҹә бу ссенаринин иҹрасында ојунчу олдуғуну гејд едиб.
342/