Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ислам Торпагларынын ајрылмаз парчасы олан Азәрбајҹан Республикасына гаршы ишғалчы Ермәнистан гүввәләри тәрәфиндән башладылан Икинҹи Гарабағ Мүһарибәсиндә Азәрбајҹан Силаһлы Гүввәләри дөјүшләрдә ҝөстәрдикләри горхмазлыглары, динә бағлылыглары вә баҹарыглары илә дүнја халгларынын јаддашларына һәк олдулар.
Азәрбајҹан Республикасынын Ордусунун үстүн ҹәһәти дә мәһз ордуда олан бир чох һәрбичиләрин Аллаһ Тәалаја олан бағлылыглары, Пејғәмбәр (сәллаәллаһу әлејһи вә алиһ) вә Онун Пак Әһли Бејтинә (әлејһимус-сәлам) олан итаәткарлыглары иди...
Азәрбајҹан һәрбичиләри мүһарибә заманы Шәһидләр Ағасы, һәзрәт Имам Һүсејндән (әлејһи сәлам) вә Гуран Кәримдән илһамланараг дүшмән гүввәсинин үзәринә Аллаһу Әкбәр!, Ләббејкә Ја Һүсејн! нәрәләри илә һүҹум чәкир, дүшмәни ҝери гачмаға вә мәғлуб олмаға вадар едирдиләр...
Әслиндә бу гәләбә, һансыса дөвләтләрин вә јахуд бејнәлхалг тәшкилатларын апардығы сијаси данышыглар вә мүзакирәләрин нәтиҹәси дејилдир. Әксинә Азәрбајҹан Шиә халгынын ајыглығы, Бәдр, Үһүд, Ҹәмәл, Сиффејн, вә Кәрбәла кими дөјүшләрдә иҝидлик, фәдәкарлыг илә тәгва вә иманы бир јердә ҹәмләшдирән мәсум сәркәрдәләри өзләринә өрнәк билмәкләринин нәтиҹәси иди...
Мүшаһидә едәҹәјиниз видеода, Једдинҹи Имам һәзрәт Мусаји Казымын (әлејһи сәлам) гызы Ханым Биби Һејбәтин (сәламуллаһи әлејһа) пак һәрәминдә јерләшән Биби Һејбәт (сәламуллаһи әлејһа) Мәсҹидинин Ахунду. Һаҹы Мир Раһиб Бабајев вердији ачыгламасында да бу мәсәләни вурғулајыр ки, “...Бу Шәһидлик мәгамына уҹалмасы, ҹәсарәтлә торпагларымызын азад олмасы үчүн ҝедән ҹаванларымызын тәрбијјәсиндә Имам Һүсејн (әлејһи сәлам) Мәктәбинин һаггы вар. Чүнки Азәрбајҹанмилләти, Азәрбајҹан дөвләтининин нүмајәндәләри, ҹаванлары, дејәрдим ки, 90%-и Имам Һүсјен (әлејһи сәлам) Мәктәбинин давамчыларыдыр, Имам Һүсејн (әлејһи сәлам) Мәктәбиндән бәһрәләнән, Ханым Зејнәбин (сәламуллаһи әлејһа), Ханын Фатимәнин (сәламуллаһи әлејһа) Мәктәбиндән бәһрәләнән ҹаванларымыздыр, аиләләримиздир. Аллаһ онлара рәһмәт еләсин, гәбирләри нурла долсун!...”
Диггәт: Хәбәрдән Истифадә Етдикдә Мәнбәјә Истинад Лазымдыр!