Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, јағы дүшмән тәрәфиндән Азәрбајҹан Республикасына гаршы башладылан Икинҹи Гарабағ Мүһарибәси бир даһа Азәрбајҹан Шиә Халгынын Аллаһ-пәрәстлијини, Гуран Кәримә, һәзрәт Рәсули Әкрәмә (сәлләллаһу әлејһи вә алиһ) вә Әһли Бејтә (әлејһимус-сәлам) олан бағлылыгларыны вә вәтәнпәрвәрликләрини һамыја нүмајиш етдирди.
“Бөјүк гүдрәтләрин” анти-Ислам һәдәфләри илә башлатдыглары Икинҹи Гарабағ Мүһарибәси һеч дә дүшмән гүввәләринин истәдији нәтиҹәни вермәди. Азәрбајҹан Республикасынын ҹәсур һәрбичиләри, Аллаһ Тәаланын онлара бәхш етдији хүсуси инајәтилә бу мүһарибәни мүгәддәсләшдирә билдиләр.
Онлар, атәшә башламамышдан өнҹә “Бисмиллаһ” дејиб, “Ја Саһиб Заман!”, “Ја Әбүлфәз!”, “Ја Һүсејн!”, “Аллаһу Әкбәр!”, “Ләббәјкә Ја Һүсејн!”, “Ләббејкә Ја Әли!”, “Аллаһ ! Муһәммәд! Ја Әли!”, “Ја Әли Кимдир Ахы ермәни!”, “Ја Әли! Анҹаг Ирәли!” кими дини шүарларла нәрә чәкәрәк, дүшмән гүввәсинин гәлбинә хоф вә горху салыб, нисби гәләбәни әлдә етдиләр.
Дүшмәнин ишғалындан азад едилән һәр бир гарыш торпагларда Азәрбајҹанын мөмин вә Һүсејнчи һәрбичиләри Гуран охујур, Азан верир, намаз гылыр, оруҹлар тутур, халгымыза вә вәтәнимизә дуалар едирдиләр. Вә бу, Азәрбајҹан халгына бәхш едилән бөјүк Илаһи бир төфһә иди!
Сајтымызын изләјиҹиләринә тәгдим етдијимиз видеода мүшаһидә етдијиниз кими Азәрбајҹанын һәрбичиләри казармаларда вә дөјүш бөлҝәсиндә ермәни дүшмәнләринин ишғалындан азад етдикләри әразиләрдә арғын вә јорғун олмагларына бахмајараг Гурани Кәрими ҝөзәл сәсләри илә тилавәт етмәклә Аллаһ Тәалаја ибадәт едир, физики вә руһи јорғунлугларыны алырлар.
Онлар, Биринҹи Гарабағ Мүһарибәсиндә олдуғу кими Икинҹи Гарабағ Мүһарибәсинә гатылан минләрлә Шиә һәрбичиләриндән бир гисмидир.
Диггәт: Хәбәрдән Истифадә Етдикдә Мәнбәјә Истинад Лазымдыр!