Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ислам Торпагларынын ајрылмаз һиссәси олан Азәрбајҹан Республикасынын торпагларынын узун илләр ермәни ишғалында галмасы һәр бир азәрбајҹанлыны нараһат едир вә ҹаныны сыхырды. Вахт ҝәлди. Мәгам әлә дүшдүкдә Шиә Азәрбајҹан Халгы јағы дүшмән гүввәләринин ҹавабыны лајигинҹә вердиләр...
27 Сентјабр 2020-дә башладылан Икинҹи Гарабағ Мүһарибәси Азәрбајҹанын гејрәтли оғланларынын гајдыш нөгтәсинә чеврилди.
Биринҹи Гарабағ Мүһарибәсиндә олдуғу кими Икинҹи Гарабағ Мүһарибәсиндә дә олигархлар, атеистләр, үздәнираглар, маныслар вә с-дән фәргли олараг диндар тәбәгәнин үзүвләриндән олан кәрбалајылар, мәшһәдиләр вә һаҹылар силаһа сарынараг вәтәнин кешијиндә дурмағы вә ишғал олунмуш әразиләри, дүшмән ермәни гүввәләринин ҹајнағларындан азад етмәји өзләринә борҹ билдиләр.
Шанлы Азәрбајҹан Халгынын иҝид вә гејрәтли оғуллары “Аллаһу Әкбәр!”, “Ја Әли! Анҹаг Ирәли!”, “Ләббејкә Ја Һүсејн!”, “Ләббејкә Ја Әли!”, “Аллаһ! Муһәммәд! Ја Әли! Кимдир Ахы Ермәни!” кими шүарлар илә дүшмән үзәринә шығыјыб торпаглары азад едирдиләр.
Азәрбајҹанын һәр бир гарыш торпагларыны дүшмәнин ишғалындан азад едән һәрбичиләр орада Гуран охујур, Азан верир, намаз гылыр, оруҹлар тутур, халгымыза вә вәтәнимизә дуалар едирдиләр. Вә бу, Азәрбајҹан халгына бәхш едилән бөјүк Илаһи бир төфһә иди!
Изләјиҹиләримизә тәгдим етдијимиз видеода мүшаһидә етдијиниз ҹаван Гарабағ Мүһарибәсинә гатылан минләрлә Шиә һәрбичиләриндән биридир. О, ҝөзәл сәси илә бөлүјүн отағында Аллаһын Кәламы олан Гуран Кәрими тилавәт едир.
Диггәт: Хәбәрдән Истифадә Етдикдә Мәнбәјә Истинад Лазымдыр!