Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Вүсал Һүсејнов 2001-ҹи илдә Азәрбајҹан Республикасынын Талыш Бөлҝәсинин Ләнкәран рајонунун Веләди кәндиндә анадан олуб.
Аиләнин икинҹи өвлады олан Вүсал физики бахымдан зәиф олдуғуна ҝөрә Ләнкәран һәрби комиссарлыгдан ону һәрби хидмәтә ҝетмәси илә разылашмырлар. Амма Вүсал Һүсејнов өз тәкиди илә, һәрби хидмәтә јолланыр.
О, мүһарибәјә гәдәр Јевлах рајонунда Сәрһәд гошунларында хидмәт едир. Мүһарибә башлајандан сонра исә Фүзули истигамәтиндәки дөјүшләрә гошулур...
Вүсал Һүсејнов 2020 ҹи ил, нојабыр ајынын 8-дә, зәфәр ҝүнү Зәнҝилан истигамәтиндә ҝедән дөјүшләрдә иҝидҹәсинә шәһид олур.
О, өлүмүндән сонра "Вәтән Уғрунда", "Иҝидлијә ҝөрә" вә "Зәнҝиланын азад олунмасына ҝөрә" медаллары илә тәлтиф едилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!