Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, ҹөғрафи әразисинә ҝөрә дүнјанын ән килидли мәнтәгәсиндә јер алан Азәрбајҹан Республикасы даим истисмарчы гүввәләр тәрәфиндән талан олунмаға мәруз галыб. Шиә Азәрбајҹан Халгынын милли вә дини дәјәрләринин арадан апарылмасы вә Гарабағын ишғал едилмәси дә мәһз бу талан сијасәтинин давамыдыр...
Биринҹи Гарабағ Мүһарибәсиндә мүвәггәти налијјәтләр әлдә етмәји баҹаран дүшмән гүввәләри Икинҹи Гарабағ Мүһарибәсиндә буну там баҹара билмәдиләр. Азәрбајҹан Республикасынын мөмин вә динини севән халгы әл-әлә верәрәк дүшмәнин һијләләрини пуча чыхартдылар. Азәрбајҹанда јашајан бүтүн халглар ҹанла-башла вәтәнин кешијиндә дурмағы өзләринә борҹ билдиләр...
Азәрбајҹан Республикасынын Талыш Бөлҝәси Биринҹи Гарабағ Мүһарибәсиндә олдуғу кими Икинҹи Гарабағ Мүһарибәсиндә дә бөјүк әзимкарлыглар нүмајиш етдирди...
Талыш Бөлҝәсинин ҹәнҝавәрләри “Аллаһу Әкбәр!”, Ја Зәһра!, Ја Зејнәб!,“Ја Әли! Анҹаг Ирәли!”, “Ләббејкә Ја Һүсејн!”, “Ләббејкә Ја Әли!”, “Аллаһ! Муһәммәд! Ја Әли! Кимдир Ахы Ермәни!” нәрәләри илә ермәни үзәринә шығыјыб торпаглары азад едир, шәһид олдугдан сонра да Талыш Халгы тәрәфиндән бөјүк издиһам вә дини ритуалларла, ҹуши мәрсијәләрлә торпаға басдырылырдылар...
Икинҹи Гарабағ Мүһарибәсиндә хүсуси иҝидликәрлә дөјүшән ҹәнҝавәрләрдән бири дә, видеода мүшаһидә едәҹәјиниз Ләнкәран рајон, Гамов-истису гәсәбә сакинидир. О, Гарабағ мешәлијиндә, дүшмән гүввәләринин ишғалындан азад етдији чајын кәнарында, Имам Заман һәзрәтләринә (Аллаһ Тәала Онун шәрәфли зүһуруну тезләшдирсин) Фарс дилиндә тәввәсүл едәрәк, әсҝәрләрин дөјүшдән сағ-саламат ҝеријә, евләринә дөнмәсини диләјир...
Диггәт: Хәбәрдән Истифадә Етдикдә Мәнбәјә Истинад Лазымдыр!