АБНА24 Хәбәр Верир, Моһәммәд Әбдуссәлам дејиб: Америка нүмајәндәсинин тәклиф етдији мәсәлә, јени бир шеј дејил вә өтән бир илдәки бејнәлхалг вә сәудијјә перспективинин тәзаһүрүдүр. О, сонра дејиб: Бу тәклифдә нә мүһасирәнин дајандырылмасына ишарә едилиб, нә дә ки, атәшкәсин. Бу тәклиф, јалныз сонда мүһасирәнин дипломатик каналларла бәрпасы илә нәтиҹәләнәҹәк бир разылашмадыр. Әбдуссәлам сонра дејиб: Әҝәр онлар ҹидди олсајдылар, мүһарибә вә мүһасирәнин сонуну елан едәрдиләр. Биз бу мөвгени алгышлајарыг. Әнсаруллаһ-ын сөзчүсү сөјләјиб: Америкалылар савашын дајандырылмасы үзрә бир тәклиф кими Әрәбистанын шәраитини тәгдим етмәклә бир даһа ҝөстәрдиләр ки, ачыг шәкилдә тәҹавүзүн вә мүһасирәнин архасында дурублар. Мүһарибәјә сон гојулмасы вә мүһасирәнин ләғв едилмәси барәдә һеч бир реал дәјишиклик мөвҹуд дејил, әксинә бунлар јалныз ишләрин диҝәр бир тәрәфә тапшырылмасындан ибарәтдир. О, билдириб ки, Әнсаруллаһ диҝәр тәрәфләрин һуманитар јардымлар барәдәки бүтүн тәклиф шәраитини гәбул едиб. Әбдуссәлам белә гејд едиб: Мүһасирәнин давам етмәси үчүн һеч бир бәһанә тапмадыгда, иддиа етдиләр ки, јардымлар ләјагәти чатан кәсләрә чатмыр.
342/