Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Гарабағ мүһарибәсиндә Дин фактору данылмаз иди. Ермәниләр үчүн бу сәлиб јүрүшү сајылырдыса Азәрбајҹанлылар үчүн исә бу Ислам әразиләринин вә һүдудларынын горунмасы уғрунда һәјата кечирилән бир Ҹиһад сајылырды. Үмумијјәтлә ермәниләрин Шиә Азәрбајҹан халгына гаршы башлатдығы мүһарибәнин тарихинә нәзәр салдыгда ҝөрәрик ки, бу мүһарибә тарихдә Ермәни- Мүсәлман савашы кими гејдә алыныб. 1905-1906-ҹы илләрдә баш вермиш вә "ермәни-мүсәлман давасы" ады алан гырғынлар барәдә М.С.Ордубадинин (1872-1950) "Ганлы сәнәләр" (Ганлы илләр) адлы очеркләр күллисиндә әтрафлы мәлумат верилмишдир...
Ермәниләр бу мүһарибәни сәлиб јүрүшү билир, Азәрбајҹан тәрәфи исә, бу мүһарибәни Имам Һүсејн (әлејһи сәлам) јолунда, Аллаһ Тәала уғрунда өзүнү мүдафиә ҹиһады һесаб едирдиләр...
Һәлә 1906-ҹы ил август ајы Шушада Әһмәд бәјин тәшәббүсү илә Дифаи (Мүдафиә) партијасы јарадылды; партија мүсәлманларын хиласыны ики васитәдән - маарифчилик вә ҝүҹдән истифадәдә ҝөрүрдү. Партијанын програм сәнәдиндә Дашнаксүтјуна ишарә илә гејд едилмишди ки, "биз ермәниләрин бизим милләтин харабалыглары вә күлү үзәриндә өз рифаһыны гурмасына һеч вахт разы олмарыг". Бу партија әслиндә, әсас ҝүнаһы рус идарәчилијиндә ҝөрүрдү. Бу барәдә өз ачыгламалрында кәтби сүрәтдә гејд едән Әһмәд бәј белә вурғулајыр: "Мүсәлманлар вә ермәниләр унутмасынлар ки, русларын Гафгазда ҝөрүнмәсиндән әввәл онлар әсрләрлә достҹасына вә хош гоншулуг шәраитиндә јашамышлар вә онларын гаршылыглы мүнасибәти тарихиндә индики һадисәләрә бәнзәр һеч нә олмајыб"...
Тарих тәкрарланды. Чар Русијасынын деврилмәсиндән сонра Османлы императолуғунун Октјабр Ингилабынын баниси Владимир Илич Ленин илә сөвдәләшмәси нәтиҹәсиндә Бакы башда олмагла бүтөв Гафгаз Русија Сосиалист Республикасына тәһвил верилди. Бу хәјанәтин далынҹа Азәрбајҹан башда олмагла Гафгаза “коминист гардашлары” ады илә һаким кәсилән христиан (рус, ермәни, ҝүрҹү) вә јәһуди ҝүҹләри Мүсәлманлары сијаси, игтисади вә елми сәһнәдән чыхарыб, Гафгаз бөлҝәсини јерли Мүсәлман халгларын әлиндән алмаға башладылар. Беләликлә дә фәлакәтләр даһа да ҝүҹләнди, бәдбәхтчиликләр артды...
ССРИ дөнәминин әввәлиндә олдуғу кими сон илләриндә дә ермәниләр Шиә Азәрбајҹан халгына әрази иддиалары илә гијам едиб, Ислам торпагларына ҝөз дикдиләр. Нәтиҹәдә 1992-ҹи илдән етибарән Азәрбајҹан Республикасынын 20% торпаглары бөјүк хәјанәтләр нәтиҹәсиндә ермәни дүшмәнләринин ишғалына кечди...
2020-ҹи илин 27 Сентјабр ајындан башлајараг 44 ҝүн давам едән Икинҹи Гарабағ мүһарибәсиндә дә бир чох дахили вә хариҹи дүшмән гүввәләри бу мүһарибәјә түркчүлүк дону ҝејиндирмәјә чалышараг, бу мүһарибәнин заһирдә динлә бағлылығыны там инкар етмәјә чалышдылар. Лакин онларын бүтүн сәјләринә бахмајараг Аллаһ Тәала дүшмәнәрин планларыны пуч етди. Азәрбајҹан халгы дөјүшләрә “Ја Саһиб Заман!”, “Ја Әбүлфәз!”, “Ја Һүсејн!”, “Аллаһу Әкбәр!”, “Ләббәјкә Ја Һүсејн!”, “Ләббејкә Ја Әли!”, “Аллаһ ! Муһәммәд! Ја Әли!”, “Ја Әли Кимдир Ахы ермәни!”, “Ја Әли! Анҹаг Ирәли!” кими дини шүарларла нәрә чәкәрәк, дүшмән гүввәсинин гәлбинә хоф вә горху салдылар. Азәрбајҹан иҝидләри бу мүһарибәни мүгәддәсләшдирдиләр. Аллаһ Тәала да бөјүк Зәфәри Азәрбајҹан халгына бәхш етди.
Мүшаһидә едәҹәјиниз видеода Әһли Бејт (әлејһимус сәлам) Дијары олан Азәрбајҹанын Һүсејнчи иҝидләри Ја Саһиб Заман! Ја Әбүлфәз! дејәрәк Ермәнистан силаһлы гүввәләринин бөлмәләринин јерләшдији әразиләри ағыр артиллерија системләрдән атәшә тутурлар. Онлар, топ мәрмиләринин үзәриндә “Ја Саһиб Зәман!” вә “Ја Һүсејн!” нидаларыны јазараг ермәни мөвгеләрини дармадағын едирләр...
Диггәт: Хәбәрдән Истифадә Етдикдә Мәнбәјә Истинад Лазымдыр!