Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, АБШ, Гәрб Иттифагы, ишғалчы сионист Исраил режими вә Русија Федерасијасынын вердији ачыг дәстәји илә, Ермәнистан ишғалчы республикасынын Азәрбајҹан Республикасы әлејһинә башлатдығы Икинҹи Гарабағ мүһарибәсиндә Шиә Азәрбајҹан Халгынын Һүсејнчи әсҝәр вә забитләри дүшмәнә лајигли ҹавабыны верәрәк Азәрбајҹан Ордусунун Гүдрәтини нүмајиш етдирмишдир...
Ҹәми 44 ҝүн әрзиндә дүшмән гүввәләринин 30 илә јахын мүддәтдә мөһкәмләндирдикләри истеһкамларыны дармадағын едәрәк Ислам Торпагларынын ајрылмаз һиссәләри олан Азәрбајҹанын ишғал алтында олан әразиләрини азад етдиләр. Һеч шүбһәсиз ки, Азәрбајҹанын шүҹаәтли иҝидләринин дөјүшләрдә бөјүк рәшадәтлик ҝөстәрмәләри мәһз Имам Һүсејн (әлеји сәлам) Мәктәбиндән алдыглары дәрсләрдән ирәли ҝәлир...
Онлар, дөјүш мејданларында Аллаһ Тәалаја олан бағлылығы, Пејғәмбәр (сәллаәллаһу әлејһи вә алиһ) вә Онун Пак Әһли Бејтинә (әлејһимус-сәлам) олан итаәткарлыглары илә христиан ермәниләриндән сечилирдиләр...
Биринҹи Гарабағ Мүһарибәсиндә олдуғу кими Икинҹи Гарабағ Мүһарибәсиндә дә ишғал олунмуш торпагларын азадлығы уғрунда ҝедән дөјүшләрдә хејли сајда Шиә руһаниси вә Һүсејнчи иҝидләр Шәһид олуб вә јараланмыш вә газилик мәгамларына уҹалмышлар...
Дүшмән гүввәләри илә үз-үзә дөјүшләрдә Шәһид олан Шиә Руһаниләриндән Гум Елми Һөвзәсинин Ҹамеәтул-Мустафа (с) Бејнәлхалг Ислам Елмләри Академијасынын тәләбәләри олан Һөҹҹәтүл Ислам Шејх Маариф Сәфәров вә Һөҹҹәтүл Ислам Шејх Елмәддин Вәлишову нүмунә чәкә биләрик...
Гум Елми Һөвзәсинин Икинҹи Гарабағ Мүһарибәсиндә иштирак етдији, вәтән севҝисини бүтүн гәлби илә јашајан азәрбајҹанлы руһаниләриндән бири дә Шејх Гурбанәли Әлијевдир. О, Шуша азад олундугдан сонра Јухары Ҝөвһәр Аға Мәсҹидиндә азан верән, Ҹүмә Намазы гылан илк һәрбчи кими јадда галыб. Шејх Гурбанәли артыг һәрби хидмәтдән тәрхис олунуб вә Шушада јашананлары бир сыра сосиал шәбәкәләр илә дә бөлүшүб.
Шејх Гурбан Әлинин билдирдијинә ҝөрә, Гум Елми Һөвзәсинин Гарабағ Мүһарибәсиндә иштирак едән диҝәр Руһаниләри кими о да һәрби хидмәти бојунҹа, Азәрбајҹан һәрбичиләринин руһ јүксәклијинә сәбәб олан програмлар һәјата кечирирмиш. Шәһадәт вә Ҹиһадын алилији барәсиндә чыхышлар едиб, Имамларын мәзлумијјәтинә мәрсијәләр охујуб, Ҹәмијјәт Намазлары вә Ҹүмә Намазларыны бәрпа едиб, Тәвәссүл вә с дуалары охујармышлар...
Мүшаһидә едәҹәјиниз видео һәрбичиләримизә руһ јүксәклијини бәхш етдирән програмлардан биринин иҹрасы заманы гејдә алыныб. Белә ки, видеода гәдим Шуша шәһәринин мәркәзи мејданында јерләшән ән гәдим Мәсҹид олан, Јухары Ҝөвһәр Аға Мәсҹидиндә Шуша Фатеһләринин, Азәрбајҹан Меһди Ордусунун әсҝәрләри Мәсҹиддә Ҹәмијјәт Намазыны гылдыгдан сонра Имам Заман (Аллаһ Тәала шәрәфли зүһуруну тезләшдирсин) һәзрәтләринин дуасыны охујараг, о һәзрәтә дуа етдикләрини ҝөрүрүк.
Диггәт: Хәбәрдән Истифадә Етдикдә Мәнбәјә Истинад Лазымдыр!