Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, “бөјүк гүдрәтләрин” анти-Ислам һәдәфләри илә башлатдыглары Икинҹи Гарабағ Мүһарибәси һеч дә дүшмән гүввәләринин истәдији нәтиҹәни вермәди. Азәрбајҹан Республикасынын һәрбичиләри, Аллаһ Тәаланын онлара бәхш етдији хүсуси инајәтилә бу мүһарибәни мүгәддәсләшдирә билдиләр.
Һеч шүбһәсиз ки, Аллаһ Тәалаја, Гуран Кәримә, һәзрәти Рәсулләллаһа (сәлләллаһу әлејһи вә алиһ) вә Әһли-бејтә (әлејһимус сәлам) олан бағлылыгдан вә ешгдән гајнагланан ешг һәгиги ешгдир. Азәрбајҹан Халгынын вәтәнинә олан ешги мәһз Аллаһ Тәалаја, Гурана, Пејғәмбәр вә Онун Пак Әһли Бејтинә олан ешгдән гајнагландығы үчүн һәгиги ешгдир. Буна ҝөрә дә Биринҹи Гарабағ Мүһарибәсиндә олдуғу кими Икинҹи Гарабағ Мүһарибәсиндә дә олигархлар, атеистләр, үздәнираглар, маныслар вә с-дән фәргли олараг диндар тәбәгәнин үзүвләриндән олан кәрбалајылар, мәшһәдиләр вә һаҹылар силаһа сарынараг вәтәнин кешијиндә дурмағы вә ишғал олунмуш әразиләримизи ермәни дүшмән гүввәләринин ҹајнағларындан азад етмәји өзләринә һәм шәри һәм дә вәтәндаш һүгугу билдиләр...
Азәрбајҹанын иҝид вә гејрәтли оғуллары “Аллаһу Әкбәр!”, Ја Зәһра!, Ја Зејнәб!,“Ја Әли! Анҹаг Ирәли!”, “Ләббејкә Ја Һүсејн!”, “Ләббејкә Ја Әли!”, “Аллаһ! Муһәммәд! Ја Әли! Кимдир Ахы Ермәни!” кими шүарлар илә дүшмән үзәринә шығыјыб торпаглары азад едир, дүшмәнин гәлбинә хоф бә вәһшәт салырдылар...
Мүһарибә дөнәминдән өнҹәки ҝүнләрә нисбәтдә даһа да фәргли олараг, 44 ҝүнлүк мүһарибә вахтында Шиәлијин әлејһинә күтләви сүрәтдә, ҝенишмигјаслы тәблиғатлар апарылмасына бахмајараг, Азәрбајҹан халгы, дүшмәнләрин бүтүн сәјләрини пуча чыхартды...
Мүшаһидә едәҹәјиниз видеода ајдын ҝөрүнүр ки, олигархлар, атеистләр, үздәнираглар, маныслар вә с-дән фәргли олараг Икинҹи Гарабағ Мүһарибәсиндә диндар тәбәгәнин үзүвләри актив иштирак едибләр. Азәрбајҹан ордусунун мөвгеји јағы дүшмән гүввәләринин ағыр артиллерија атәшинә тутулмушдур. Өзләринә сығынаҹаг тапан һәрбичиләрдән бири, Һаҹ зијарәтинә ҝедиб гајыдан диҝәр һәрбичи јолдашыны “Һаҹы! Һаҹы! Саламатчылыгдырмы орда!” дејәрәк вәзијјәти мүәјјәнләшдирир...
Диггәт: Хәбәрдән Истифадә Етдикдә Мәнбәјә Истинад Лазымдыр!