Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, јағы дүшмән тәрәфиндән Азәрбајҹан Республикасына гаршы башладылан Икинҹи Гарабағ Мүһарибәси бир даһа Азәрбајҹан Шиә Халгынын Аллаһ-пәрәстлијини (ҹәллә ҹәлалуһ), Гуран Кәримә, һәзрәт Рәсули Әкрәмә (сәлләллаһу әлејһи вә алиһ) вә Әһли Бејтә (әлејһимус-сәлам) бағлылыгларыны, вәтәнпәрвәрликләрини нүмајиш етдирди.
30 илә јахын олан гәлбләрдәки дүшмәнә гаршы интигам һиссләри илә аловланыб јанан иҝидләрин ҝөздәдикләри ан ҝәлмишдир. Сентијабырын 27-си, 2020 ҹи ил тарихи һамы үчүн хош бир хәбәр иди. Торпагларын дүшмән гүввәсиндән зорла ҝери алынмасы ҝүнүн ҝәлиб чатмасы хәбәри...
Һамы бү мүһарибәдә бир нәфәр кими бир-биринә көмәк олду. Өлкәнин дахилиндән тутмуш та өлкә һүдудларындан кәнарда, Иран Ислам Республикасында Дини Тәһсил алан Азәрбајҹан Республикасыын тәләбәләри 44-ҝүнлүк мүһарибәдә мәнәви дәстәкләриндән әлавә мадди јардымларыны әсирҝәмирдиләр...
Бу, Аллаһ Тәаланын Шиә Азәрбајҹан Халгына бәхш етдији бөјүк бир немәти иди. Бирлик вә Вәһдәт немәти! Һәгигәтән дә Азәрбајҹан Халгы Аллаһ Тәаланын лүтфү илә бу Илаһи немәтә лајиг ҝөрүлмүшдүрләр. Һәлә Чар Русијасынын Гафгазы ишғал етмәсинин ардынҹа, Азәрбајҹан Халгыны Ислам Дининдән вә Шиә Мәзһәбиндән ајры салмасы планлары, мүхтәлиф шәкилләрдә иҹра олунмаға башлајырды. ССРИ дөнәминдә исә бу анти-Ислам лајиһәләр даһада вүсәт тапыб Мәсҹидләрин, Дини Мәркәзләрин вә Тәһсил Оҹагларынын дағыдылыб виран едилмәси, анбар вә фермалара чеврилмәси, Руһаниләрин Сибирә сүрҝүн едилмәси вә шәһадәтә јетирилмәси илә нәтиҹәләнди. Мүстәгиллик илләриндә, 1990-ҹы илләрдән башлыјараг бу ҝүнә кими исә Шиәлијә гаршы сојуг мүһарибә өзүнүн јени модели илә даһа кәскин вә алдадыҹы формада давам етдирилмәјә башлады. Амма бүтүн бунлара бахмајараг, Аталарын бујурдуғуна әсасән: “От көкү үстүндә битәр” дүстуру өз ишини ҝөрдү. Мүстәгиллијини јениҹә әлдә етмиш Халг бүтүн чәтинликләрә бахмајараг өз көкүнә гајытды. Өз дининә саһиб чыхды. Аллаһына ибадәт едиб, Пејғәмбәр (сәлләллаһу әлејһи вә алиһ) вә Онун Пак Әһли Бејтинә (әлејһимус сәлам) олан севҝисини даһа да дәринләшдирди...
Икинҹи Гарабағ Мүһарибәси исә, бүтүн бу дејиләнләрин бариз нүмунәси иди. Мүшаһидә едәҹәјиниз бу видео да исә әјани шәкилдә Азәрбајҹан Халгынын дининә нә дәрәҹәдә бағлы олдуғу ајдын ҝөрүнүр. Иҝидләр дөјүшә башламамыш гыса бир чәкилиш едирләр. Онлар Ләббејкә Ја Һүсејн!, Ја Әли! Аллаһу Әкбәр! дејәрәк белә мүраҹиәт едирләр: “Гардашлар! Аллаһ һамымызын көмәји олсун (гырагдакылар амин, иншаАллаһ дејирләр). Вәтән сағ олсун! ИншаАллаһ һамымыз сағ саламат гајыдарыг! Ҝетдик дөјүшә!”
Диггәт: Хәбәрдән Истифадә Етдикдә Мәнбәјә Истинад Лазымдыр!