Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, 2020-ҹи илин Сентјабрын 27-дә Ермәнистан ишғалчы силаһлы бирләшмәләри бөјүк тәхрибат төрәтмәк мәгсәди илә Азәрбајҹан Республикасынын әразиләринә һүҹум етди. 44 ҝүн давам едән Икинҹи Гарабағ Мүһарибәсиндә Шиә Азәрбајҹан халгы силаһа сарынараг, ҹанла-башла вәтәнин кешијиндә дурду...
Бүтүн ҹәбһә боју шиддәтли дөјүшләр давам едирди, дүшмән мүгавимәт ҝөстәрирди. Азәрбајҹан Ордусу мүдафиә хәттини јармаг үчүн гәтијјәтлә вурушурду. Фүзули вә Суговушан истигамәтиндә дүшмән мүдафиәсинин јарылмасы, дүшмәнин Муров јүксәклијиндән узаглашдырылмасы һаггында мәлумат верилдикдә, бу информасија иҹтимаијјәтин дә, дөјүшәнләрин дә руһ јүксәклијинә сәбәб олду. Бу, дөнмәз ҹошгу иди...
Ҝеҹә-ҝүндүз позғунчулуғу, шәһвәт дүшкүнлүјүнү, әхлагсызлығы вә дүнјапәрәстлији Азәрбајҹан Халгынын бејнинә јеритмәјә чалышан олигархлар, атеистләр, маныслар вә с-дән фәргли олараг Азәрбајҹанын Әһли Бејт (әлејһимус сәлам) ашигләри олан диндар тәбәгә, кәрбалајылар, мәшһәдиләр вә һаҹылар силаһа сарындылар вә вәтәнин кешијиндә дурмағы вә ишғал олунмуш әразиләримизи ермәни дүшмән гүввәләринин ҹајнағларындан азад етмәји өзләринә һәм шәри һәм дә вәтәндашлыг борҹу билдиләр.
Ермәни фашистләринин әлиндә ишғалда галан Гарабағ башда олмагла даһа 7 рајонумуз, түрбәләр, мәзарлыглар, мүгәддәс мәканларымыз, донуз төвләсинә чеврилмиш Мәсҹидләр вә Мәдрәсәләримиз вә с. мәдәни вә маариф оҹагларымыз бу 44 ҝүнлүк мүһарибәдә, Имам Һүсејн (әлејһи сәлам) ашигләринин баҹарыглы әлләри илә ҝери гајтарылды...
Өз Халгынын рифаһы үчүн минләрлә Әһли Бејт (әлејһимус-сәлам) Мәктәбинин давамчылары ширин ҹанларындан кечәрәк уаҹ Шәһидлик мәгаына наил олдулар. Минләрлә Әли (әлејһи сәлам) Шиәси исә бу мүгәддәс јолда мүхтәлиф физики вә писхоложи зәдәләр алараг јараландылар вә Газилик мәгамына уҹалдылар. Бүтүн бунлар онлар үчүн балдан да ширин иди. Чүнки онларын Имам Әли ибн Әбу Талиб, Имам Һәсән вә Имам Һүсејн (әлејһимус сәлам) кими игтида едәҹәји өрнәкләри вардыр...
Мүшаһидә едәҹәјиниз видеода да мәрузә едән һәрбичи, ачыг ашкар белә билдирир: “... Бу јахын илләрдә дә (Сејјид) Мүбариз Ибраһимов, Полад Һәшимов вә башга мүбариз диндарлары да гејд еләмәк олар. Бу торпагларда ән чох шүҹаәт ҝөстәрәнләрдән бири дә Һүсејнчиләр олуб. Һүсејнчиләр даим бу торпагда Кәрбәладан бәри бәзи инсанлара, бәзи гурумлара, бәзи әгидәләрә дәрс олараг ҝәлмишдир. Бу ачыг ашкар ҝөрүнүр. Ҝөрмүјәнләрин өзүндә проблем вардыр. Биз бу торпаглардан өтрү, бу вәтәндән өтрү даим ҹанымыздан кечмәјә, ганымыздан кечмәјә һазырыг...”
Диггәт: Хәбәрдән Истифадә Етдикдә Мәнбәјә Истинад Лазымдыр!