АБНА24 Хәбәр Верир, Јәмән силаһлы гүввәләринин сөзчүсү дүнән ҝеҹә бу өлкәнин ордусу вә халг комитәләринин Әрәбистанын ҹәнубунда јерләшән Әсир вилајәтиндәки «Әбһа» бејнәлхалг һава лиманына гаршы ракет һүҹумундан хәбәр вериб. Јәһја Әлсәрии билдириб ки, бу өлкәнин ордусу «Әбһа» бејнәлхалг һава лиманындакы һәссас һәрби бир һәдәфи бир әдәд јени, јерли баллистик ракетлә һәдәфә алыб. Ракетин олдугҹа јүксәк дәгигликлә һәдәфә дәјдијини билдирән Әлсәрии гејд едиб ки, бу ракетдән сон заманлар истифадә едилиб вә һәлә онун тәгдиматы олмајыбдыр. Јәмән силаһлы гүввәләринин сөзчүсү сонра вурғулајыб ки, бу һүҹум Јәмәнә гаршы мүһасирә вә тәҹавүзләрин давам етмәсинә олан тәбии вә гануни ҹаваб истигамәтиндә һәјата кечирилиб. «Әбһа» һава лиманы бундан өнҹә дә Јәмәнин ордусу вә халг комитәләринин ПУА вә ракет бөлмәләри тәрәфидән һәдәфә алынмышды. Бу һава лиманы сәуд коалисијасынын Јәмәнә гаршы һүҹумларында истифадә едилән гырыҹыларын јанаҹагдолдурма вә тәдарүк мәканыдыр.
342/