Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ислам Торпагларынын ајрылмаз ҝүшәси олан Азәрбајҹан Республикасынын ермәниләр тәрәфиндән ишғал олунмуш әразиләринин ҝери гајтарылмасы мәгсәдилә башладылан Икинҹи Гарабағ мүһарибәси, Азәрбајҹан халгынын мәнлијини вә гејрәтини сүбут едән мејданлардан бири иди. Азәрбајҹан Халгынын өз дини дәјәрәринә , мәзһәби инанҹларына, варлыг аләминин Јарадыҹысы олан Аллаһ Тәалаја, Онун ҝөндәрдији Ислам Дининә, өз милли вә Илаһи Дәјәрләринә садиг галан вә онлары исбатлајыб, мөһкәмләдән бир мүһарибә иди...
Гырхдөрд ҝүнлүк мүһарибә өнҹәси вә мүһарибә заманы хариҹи вә дахили дүшмәнләрин әл-әлә вериб Исламын вә Шиәлијин әлејһинә күтләви сүрәтдә, ҝенишмигјаслы тәблиғатлар апармаларына бахмајараг, Аллаһ Тәаланын ирадәси илә шанлы Азәрбајҹан халгы дүшмәнләрин бүтүн мәнфур планларыны вә ҝеҹә-ҝүндүз билмәдән апардыглары шејтани тәблиғатларыны пуча чевирди...
Белә ки, азғын дүшмән гүввәләри чиркин истәдикләринә наил ола билмәдиләр. Шанлы Азәрбајҹан Халгынын иҝид вә гејрәтли оғуллары “Аллаһу Әкбәр!”, “Ја Әли! Анҹаг Ирәли!”, “Ләббејкә Ја Һүсејн!”, “Ләббејкә Ја Әли!”, “Аллаһ! Муһәммәд! Ја Әли! Кимдир Ахы Ермәни!” кими шүарлар илә дүшмән үзәринә шығыјыб торпаглары азад етдиләр. Һәр бир гарыш торпаглары дүшмәнин ишғалындан азад едән һәрбичиләр орада Азан верир, намазлар гылыр вә оруҹлар тутур, халгымыза вә вәтәнимизә дуалар едирдиләр...
Гырхдөрд ҝүннүлүк мүһарибәдә газанылан нисби зәфәр һәгигәтән дә Аллаһ Тәаланын бу халга олан сонсуз лүтфү иди. Салиһ бабаларын дуалары вә хәләф өвладларынын ојаглыг вә шүҹаәтләри сәбәб олду ки, ишғал алтында олан әразиләри тәпәдән дырнаға кими силаһланан ермәни гүввәләриндән ҝери алсынлар. Бу ону ҝөстәрир ки, Азәрбајҹан халгынын өз торпагларыны дүшмәндән горумаға гүдрәти чатыр. Буну Азәрбајҹанын Һүсејнчи һәрбичиләри 44 ҝүнлүк мүһарибәдә бир даһа сүбут етдиләр!...
Ашағыда мүшаһидә едәҹәјиниз видеода да шанлы Азәрбајҹан халгынын Һүсејнчиләри Ермәнистан ишғалчы гүввәләринин 27 ил мурдар әлләриндә ишғалда олан Физули, Ҹәбрајыл, Губадлы вә с. шәһәр вә рајонлары азад едәнләрдир. Дөјүшдән сонра әлә кечиртдикләри дүшмәнин мөвгеләриндә арғын вә јорғун һалда даирә гурараг Имам Һүсејнә (әлејһи сәлам) вә о, һәзрәтин балаларынын мәзлумијјәтләринә мәрсијәләр охујурлар...
Диггәт: Хәбәрдән Истифадә Етдикдә Мәнбәјә Истинад Лазымдыр!