Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Икинҹи Гарабағ Мүһарибәси сөзүн әсил мәнасында Азәрбајҹанын бүтүн бөлҝәләрини, бу өлкәдә јашајан халгларыны Имам Һүсејн (әлејһи сәлам) севҝиси вә бајрағы алтында бир араја ҹәмләшдирди. Һамы бир нәфәр кими вәтәнин кешијиндә дурмағы өзүнә борҹ билиб, “Аллаһ! Мјһәммәд! Ја Әли! дејәрәк, Ислам Торпагларынын ајрылмаз парчасы олан, Азәрбајҹан Республикасынын ишғал алтындакы торпагларыны азад етмәјә башладылар. Ҹәми 44 ҝүн әрзиндә дүшмәнин 30 илә јахын мүддәт әрзиндә гурдуглары дағылмаз истеһкамларыны дармадағын етдиләр...
Аллаһ Тәалаја, Пејғәмбәрә (сәлләллаһу әлејһи вә алиһ), Әһли-бејтә (әлејһимус сәлам) вә вәтәнә олан ешг илә мүһарибәјә көнүллү олараг јолланан Азәрбајҹанын гејрәтли өвладлары гар вә буран, исти вә сојуг, дөјүш вә арамлыг билмәдән ҝеҹә вә ҝүндүз вурушур вә анҹаг ирәли ҝедирдиләр.
Онлар дөјүшләрә ҝирдикләри заман “Аллаһу Әкбәр!”, “Ја Әли! Анҹаг Ирәли!”, “Ләббејкә Ја Һүсејн!”, “Ләббејкә Ја Әли!”, “Аллаһ! Муһәммәд! Ја Әли! Кимдир Ахы Ермәни!” кими шүарлар илә дүшмән үзәринә шығыјыб торпаглары азад едирдиләр.
Өлүмү өзләринә Шәһадәт билән Һүсејнчиләр јараландыглары заман, госпитала ҝөндәрилиб дөјүшләрдән ҝери галаҹагларыны билдикләри үчүн јаралы олдугларыны ҝүнләрлә ҝизләдирдиләр... Әли вә јахуд ајағы мина вә минамјот гәлпәләри илә долу олан вә јахуд үзүләрәк дәридән салланан һәрбичиләр Кәрбәла Әләмдары һәзрәт Әбүлфәзлил Аббас (әлејһи сәлам) кими јенидән дөјүшә гатылыр вә дүшмәнин үзәринә ҝедиб онлары мәһв едирдиләр.
Һәр бир гарыш торпагларымызы дүшмәнин ишғалындан азад едән һәрбичиләримиз орада Азан верир, намаз гылыр вә оруҹлар тутур, халгымыза вә вәтәнимизә дуалар едирдиләр.
Ашағыда мүшаһидә едәҹәјиниз видеода данышан һәрбичимиз Азәрбајҹанын Ҝөјчај рајонундандыр. О, дөјүш мөвгејиндән Һаҹылара вә гардашлара салам ҝөндәрәрәк, “Ҝөјчај Һүсејнчидир, өмрүнүн ахырына кими дә Һүсејнчи галаҹагдыр!” дејир вә Ҝөјчај ҹамаатынын Әһли Бејтә (әлејһимус сәлам) садиг олдугларыны нүмајиш етдирир.
Диггәт: Хәбәрдән Истифадә Етдикдә Мәнбәјә Истинад Лазымдыр!