АБНА24 Хәбәр Верир, Јәһја Әлсәрии дејиб: Әрәбистанын ҹәнубундакы «Хәмис Мушаит» бөлҝәсиндә јерләшән «Крал Халид» һава базасы ики әдәд "Сәмад-3" ПУА-сы илә һүҹум һәдәфинә чеврилиб. Јәмән силаһлы гүввәләринин сөзчүсү дејиб ки, бу һүҹум Јәмән халгына гаршы мүһасирәнин вә сәуд коалисијасы һүҹумларынын давам етмәсинә ҹаваб олараг, һәјата кечирилиб. Јәмән силаһлы гүввәләринин сөзчүсү ҹүмә ҝүнү дә «Крал Халид» һава базасындакы мүһүм вә һәссас мәркәзләрдән бир нечәсинин, һәмчинин Әбһа бејнәлхалг һава лиманынын һәдәфә алынмасындан хәбәр вермишди. Бу һүҹумлар елә бир һалда едилир ки, сәуд коалисијасынын гырыҹы-бомбардманчы тәјјарәләри өтән саатларда 31 дәфә Јәмәнин Марәб вилајәтини бомбалајыблар. Јәмәнин чәкиндириҹи һүҹумларынын фонунда гејд едәк ки, јәмәнли рәсмиләр дәфәләрлә тәҹавүзкарлара хәбәрдарлыг етмишдиләр ки, Јәмәнин ордусу вә халг комитәләри әрәб коалисијасынын бу өлкәјә олан һүҹумларына гаршы ҹаваб тәдбирләриндә Әрәбистанын һәрби һава лиманлары, тәсисатлары вә мәркәзләрини һәдәфә алмағы давам етдирәҹәкләр.
342/