Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Гум Елми Һөвзәсинин 01.03.2021 тарихдә, Мүгәддәс Гум шәһәриндә тәшкил етдији “17 Рәби-Әввәл Бејнәлхалг Гарабағ Конфрансы”нда Иран Ислам Республикасынын Мәсләһәт Шурасынын катиби Мөһсүн Рзаји чыхыш едиб.
О, чыхыш заманы билдириб: “Азәрбајҹан бизим үчүн диҝәр гоншуларымыз кими садәҹә гоншумуз дејил. Биз бир милләт ики дөвләтик. Бу мәсәләдә Азәрбајҹан диҝәр гоншуларымыздан гат-гат фәрглидир. Биз ејни мәдәнијјәт, ејни мәзһәб, ејни тарихә малик олан вә хејли ортаг дәјәрләри өзүндә ҹәмләшдирән ики өлкәјик...
Бизим дөвләтимизин хариҹи сијасәтиндәки бөјүк сәһвләриндән бири дә, Азәрбајҹан Республикасына гоншу дөвләти кими бахмасыдыр. Бизим халгымыз Азәрбајҹанын азадлығы үчүн Чар Русијасы илә вурушмушдур. Вә бу јолда минләрлә шәһидләр вермишдир. Иранын бүтүн әјаләтләриндән Бакынын гәбирстанлыгларында ујујан шәһидләри вардыр...
Иран, Азәрбајҹанын Чар Русијасынын ишғалындан азад олмасы мәгсәдилә дәфәләрлә гошун јеритмиш вә Русија илә вурушмушдур. Бәзән Бакы азад олмуш, лакин сонрадан руслар Бакыны јенидән ишғал етмишләр. Амма дүбарә Иран Азәрбајҹаны рус ишғалындан азад етмишдир. Ахы Азәрбајҹаны диҝәр өлкәләр илә неҹә мүгајисә етмәк олар?! Бизим хариҹи сијасәтимиздә сон гојуласы ишләрдән бири дә бу мәсәләдир! Биз Азәрбајҹаны, Гарабағы, Нахчываны Чар Русијасынын ишғалындан азад етмәси уғрунда минләрлә шәһид вермишик...”
Иран Ислам Республикасынын Мәсләһәт Шурасынын катиби Мөһсүн Рзаји сонра дејиб: “ССРИ-нин дағылмасындан сонра Азәрбајҹанын мүстәгиллијини әлдә етдикдә Иран халгы шадлыг етди. Биз буну Илаһи бир немәт һесаб етдик вә вар ҝүҹүмүз илә Азәрбајҹан Республикасына јардым етмәјә тәләсдик. Азәрбајҹан Ордусунун јенидәнгурулмасында сајсыз-һесабсыз көмәкликләр едән илк өлкә биз олдуг. Тәсүфлә гејд етмәлијик ки, Ермәнистан дөвләти Гарабағда јашајан ермәниләри бәһанә едәрәк, бејнәлхалг сәрһәдләри позмагла Гарабағы ишғал етди.”
Мөһсүн Рзаји даһа сонра вурғулајыб: “Ән тәәҹҹүблүс исә будур ки, Ермәнистан Республикасыны Гарабағы ишғал етмәсинә тәшвиг вә тәһрик едәнләр бу ҝүн Азәрбајҹаны мүдафиә едирләр, Гарабаға орду јеридибләр. Бу неҹә ишғалдан азад едилмәдир?! Мүтләг шәкилдә Гарабағын бүтүн әразиләри азад олунмалыдыр, Азәрбајҹана верилмәлидир вә һеч бир хариҹи өлкә Гарабағда галмамалыдыр!”
О даһа сонра вурғулајыб: “Иран Ислам Республикасы Гарабағ мүһарибәсинин илк ҝүнүндән етибарән вар ҝүҹү иләАзәрбајҹан Республикасыны мүдафиә етди. 1990-ҹы илләрдә баш верән (биринҹи) Гарабағ мүһарибәсиндә Азәрбајҹанлы гачгынлар вә гардашларымыз үчүн 43 милјон доллар хәрҹләди. Лакин Һејдәр Әлијев заманында бир сыра ҝизли әлләр Иран вә Азәрбајҹан әлагәләринә зәрбәләр ендирдиләр.”
Мөһсүн Рзаји дејиб: “Бу ҝүн Гарабағын проблеми будур ки, Гарабаға елә гүввәләр дахил олуб ки, бүтүн дава-далашларыны бу мәнтәгәјә ҝәтирибләр. Вә Ираны Атәшкәс Комитәсинә дахил олмаға гојмадылар...
Гарабағда јенидәнгурма ишләриндә Иран мүтләг олмалыдыр ки, сионист Исраил режиминә сәрһәдләримиз бојунҹа әкин саһәләринин шумламасына, сонра да јоллар вә кечид мәнтәгәләри јаратмасына имкан верилмәсин! Бу (админ: Исраилин гоншулуғумузда олмасы), дөзүләси вә доғру бир иш дејилдир!
Биз, Иран дөвләтиндән тәләб едирик ки, әввәла Атәшкәс Комитәсиндә иштирак етмәлидир, Иранын Гарабағын јенидән гурулма ишләриндә ҹидди сүрәтдә актив һүзуру олмалыдыр. Амма бизим әсас тәләбимиз исә, јалныз Азәрбајҹанын тәркибиндә Гарабаға хүсуси мухтаријјат верилмәси, бүтүн хариҹи гүввәләрин ораны тәрк етмәсидир! Ермәнистан исә, (админ: Гарабағдан әлавә) ишғал етдији саир әразиләри Азәрбајҹан Республикасына гајтармалыдыр...”
Иран Ислам Республикасынын Мәсләһәт Шурасынын катиби сонда вурғулајыб: “Азәрбајҹан мәсәләсини ҹидди тутмалыјыг! Ишә кечмәлијик, Ислам Ингилабынын Рәһбәри, Имам Хаменеи һәзрәтләринин истәкләрини, Иран вә Азәрбајҹан халгларынын һаггыны тәләб етмәли вә бу иш үчүн бир гурум јаратмалыјыг!”
Диггәт: Хәбәрдән Истифадә Етдикдә Мәнбәјә Истинад Лазымдыр!