Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, бу ҝүн 01.03.2021 тарихдә Иран Ислам Республикасынын Мүгәддәс Гум шәһәриндә “17 Рәби-Әввәл Бејнәлхалг Гарабағ Конфрансы” кечирилиб.
Теһран вахты илә 09:00-да Гуран Кәримин нурани тилавәти илә ишинә башлајан Бејнәлхаг Гарабағ Конфрансында “17 Рәби-Әввәл Бејнәлхалг Гарабағ Конфрансы”ын вә Гум Елми Һөвзәни мүдири Ајәтуллаһ Әлирза Әрафи, Иран Ислам Республикасынын хариҹи ишләр назиринин мүавини Сејид Аббас Әрагчы, ИИР-ын Азәрбајҹандакы сәфири Сејид Аббас Мусәви, Иран Ислам Республикасынын Мәсләһәт Шурасынын катиби Мөһсүн Рзаји, Үмүмдүнја Мүсәлманларынын Али Лидер, Имам Хаменеи һәзрәтләринин Әрдәбил вилајәти үзрә нүмајәндәси Һөҹҹәтүл Ислам Сејид Һәсән Амили, Шәрги Азәрбајҹан вилајәти үзрә нүмајәндәси Һөҹҹәтүл Ислам Сејид Мәһәммәд Әли Ал Һашем, ИИР вә Азәрбајҹан парламенти достлуг групунун сәдри Әли Никзад, Беларус, Русија, Ҝүрҹүстан, Украјна нүмајәндәләринин иштирак етмәси илә јанашы Азәрбајҹанын Иран Ислам Республикасындакы сәфири Бүнјад Һүсејнов иштирак етмишдир.
ИИР хариҹи ишләр назиринин мүавини Сејид Аббас Әрагчы Мүгәддәс Гум шәһәриндә кечирилән 17 Рәби-Әввәл Бејнәлхалг Гарабағ Конфрансында чыхыш едәрәк һәр ики халгы Мүбарәк Рәҹәб Ајы мүнасибәтилә тәбрик едиб. О, Гарабағ мәсәләсинә ишарә едәрәк дејиб: “Гарабағ бөлҝәси Гафгаз тарихиндә ҝәрҝинликләрлә долу олан, ән узун вә мүрәккәб бөһранлардан биридир. ССРИ-нин дағылмасындан сонра исә мүһарибә нөгтәсинә чеврилди.”
ИИР хариҹи ишләр назиринин мүавини Сејид Аббас Әрагчы бејнәлхалг тәшкилатларын Гарабағ бөһранындакы уғурсузлугларына ишарә едәрәк дејиб: “АБШ, Русија вә Франсадан ибарәт олан Минск групу бу бөһраны һәлл етмәкдән өтрү јарадылмышдыр. Лакин мүнагишәләрин һәллиндә һеч бир мүсбәт аддым ата билмәдиләр.”
Сејјид Аббас Әрагчы, Иран Ислам Республикасынын даим ишғалчылыға гаршы олдуғу мөвгејинә ишарә едрәк дејиб: “Мәһз бу сијасәтә ујғун олараг, Иран ислам Республикасы Гарабағын азад едилмәси уғрунда Азәрбајҹа Республикасына јардымлар етмишдир. Иран Ислам Республикасы Азәрбајҹан әразиләринин ишғалда олдуғу мүддәтдә һәмишә бу әразиләрин ишғалына гаршы олуб. Бунун бариз нүмунәси Худафәрин су бәндинин инша едилмәси илә әлагәдар Азәрбајҹанла Иран Ислам Республикасы арасында мүгавиләнин имзаланмасыны ҝөстәрмәк олар. Бу су бәнди инша едилдији вахт ишғал олунмуш әразиләрдә олса да, мүгавиләнин Азәрбајҹанла Иран арасында олмасы Иранын Ермәнистанын ишғалчылығына гаршы олдуғунун ҝөстәриҹисидир. Бунунла әлагәдар Ермәнистан тәрәфи илә мүзакирә апарылды вә онларын су бәнди әразисини тәрк етмәләри вә һеч бир мүдахилә етмәмәләри тәләб олунду. Артыг бу су бәнди Иран Ислам Республикасы вә Азәрбајҹан мүнасибәтләринин символуна чеврилиб.”
ИИР хариҹи ишләр назиринин мүавини ИИР вә Азәрбајҹан әлагәләринә ишарә едәрәк дејиб: “Азәрбајҹан Иран үчүн чох өнәмли вә әһәмијјәтли өлкәдир. Һазырда ИИР вә Азәрбајҹан мүнасибәтләри јүксәк сәвијјәдәдир. Ики өлкә арасында бу мүнасибәтләрин давам етдирилмәси үчүн аддымлар атылыр...”
Диггәт: Хәбәрдән Истифадә Етдикдә Мәнбәјә Истинад Лазымдыр!