Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Икинҹи Гарабағ Мүһарибәсиндә Азәрбајҹан Шиә Халгынын гејрәтли оғуллары 30 илә јахын ҹансыхыҹы мәғлубијјәтә сон гојуб, Аллаһ Тәаланын изни илә шанлы гәләбәни халгымыза газандырдылар...
Бу дөјүшләрдә 3000-дән чох иҝидләримиз Шәһид олду, минләрлә һәрбичи вә сивил инсанлар јарымҹан олуб газилик мәгамына уҹалды. Һаваларын исти, сојуг, гарлы, јағышлы кечмәсинә фикир вермәјән, аҹ, сусузгалмагларына бахмајараг өз вәзифеји борҹларыны јеринә јетирир, Ислам Торпагларынын бүтөвлүјү уғрунда Вәтәнин кешијиндә дурурдулар.
Онлар дөјүшләрә ҝирдикләри заман “Аллаһу Әкбәр!”, “Ја Әли! Анҹаг Ирәли!”, “Ләббејкә Ја Һүсејн!”, “Ләббејкә Ја Әли!”, “Аллаһ! Муһәммәд! Ја Әли! Кимдир Ахы Ермәни!” кими шүарлар илә дүшмән үзәринә шығыјыб торпаглары азад едирдиләр. Һәр бир гарыш торпагларымызы дүшмәнин ишғалындан азад едән һәрбичиләримиз орада Азан верир, намаз гылыр вә оруҹлар тутур, халгымыза вә вәтәнимизә дуалар едирдиләр.
Азәрбајҹан Халгынын иҝид вә гејрәтли оғулларындан бири дә Азәрбајҹан Хүсуси Тәјинатлы Дәстәләридир. Икинҹи Гарабағ мүһарибәси заманы Хүсуси Тәјинатлы Гүввәләрин шәхси һејәти Ҹәбрајыл шәһәрини вә әтрафдакы доггуз кәнди ишғалдан азад етдиләр. Мүһарибәдәки тактики гәләбәләрин бир чоху Хүсуси Тәјинатлы Гүввәләрин јердәки мөвгеләриндән һәдәф координатлары тәмин едән, шәһәрә ҝирән вә Ермәнистан ордусуну шәһәрин мәркәзиндән сыхышдыран диверсант груплары сајәсиндә әлдә едилмишдир. 44 ҝүнлүк мүһарибәдә Хүсуси Тәјинатлы Гүввәләр дөјүшләрин өнүндә ҝедән таборладан бири иди. Мәһз онларын активлији вә ҹәсурлуғу сајәсиндә алынмаз гала олан Шуша ҹәми јарым ҝүнә азад едилди...
Ашағыда мүшаһидә едәҹәјиниз видеода Ҹәбрајыл шәһәрини јениҹә алан Хүсуси Тәјинатлы Гүввәләр Ҹәбрајыл шәһәринин телевизија гүлләсинин јанында дајыныб, Аллаһу Әкбәр! сәдалары илә шәһәрин ермәни ишғалындан азад едилдијини билдирирләр...
Диггәт: Хәбәрдән Истифадә Етдикдә Мәнбәјә Истинад Лазымдыр!