Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, 30 илә јахын иди ки, ермәни вәһшиләри әлиндә ишғалда галан Гарабағ башда олмагла Азәрбајҹан Республикасынын даһа 7 рајону, түрбәләр, мәзарлыглар, мүгәддәс мәканлары, донуз төвләсинә чеврилмиш Мәсҹидләр вә Мәдрәсәләри вә с. мәдәни вә маариф оҹаглары ҝеҹә ҝүндүз фәрјад едиб вәтән оғулларыны јардыма чағырырды... О сојуг ҝүнләр шәһидләрин вә ишғал алтына галан мүгәддәс мәзарлыгларын вә мәканларын саһибләрини үшүдүр вә налан гојмушдур...
2020-ҹи илин 27 Сентјабр тарихиндә Ермәнистан ишғалчы республикасынын ҹинајәт вә ишғалчы сијасәтләринә ҹаваб олараг әһалисинин 98%-ни Мүсәлманлар тәшкил едән Азәрбајҹан Республикасы әкс һүҹума кечди. Башланан бу Икинҹи Гарабағ мүһарибәсиндә Ислам Дүнјасынын ајрылмаз парчасы олан Азәрбајҹан Халгынын Һүсејнчи әсҝәр вә забитләри тарих јаздылар. Онлар ширин ҹанларындан кечәрәк Ислам Торпагларыны ҝери алмаға наил олдулар.
Аллаһ Тәалаја, Пејғәмбәрә (сәлләллаһу әлејһи вә алиһ), Әһли-бејтә (әлејһимус сәлам) вә вәтәнә олан ешг илә мүһарибәјә көнүллү олараг јолланан Азәрбајҹанын гејрәтли өвладлары гар вә буран, исти вә сојуг, дөјүш вә арамлыг билмәдән ҝеҹә вә ҝүндүз вурушур вә анҹаг ирәли ҝедирдиләр. Өлүмү өзләринә Шәһадәт билән Һүсејнчиләр јараландыглары заман госпитала ҝөндәрилиб дөјүшләрдән ҝери галмамаглары үчүн өз јараландыгларыны ҝүнләрлә ҝизләдирдиләр... Әли вә јахуд ајағы мина вә минамјот гәлпәләри илә долу олан вә јахуд үзүләрәк дәридән салланан һәрбичиләр Кәрбәла Әләмдары һәзрәт Әбүлфәзлил Аббас (әлејһи сәлам) кими јенидән дөјүшә гатылыр вә дүшмәнин үзәринә ҝедиб онлары мәһв едирдиләр...
Ашағыда мүшаһидә едәҹәјиниз видеода данышан һәрби санитар дөјүш ҝүнләриндә истигамәтләринин Һадрутдан Шуша јолуна гәдәр иди. Орадакаы Маштағалар кәндиндә илк санитар мәнтәгәсини иҹад етмәси, Азәрбајҹанын рәшадәтли Һүсејнчиләринин шүҹаәти вә мәрдликләри барәдә сөһбәт ачыр.
Диггәт: Хәбәрдән Истифадә Етдикдә Мәнбәјә Истинад Лазымдыр!