Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, шејтани гүввәләр тәрәфиндән тәһриф олунан јәһудилик вә мәсиһијјәт (христианлыг) дининдән фәргли олараг Ислам дини, инсанлары Ваһид олан Халигә бәндәчилик етмәјә дәвәт едир. Вә бунун үчүн Уҹа Аллаһ тәрәфиндән һәзрәти Рәсули Әкрәм, Муһәммәд Мустафаја назил етдији Шәриәт мөвҹуддур. Исламы гәбу ледән һәр бир кәс бу Шәриәтә әмәл етмәк мәҹбуријјәтиндәдир. Әслиндә бу мәҹбуријјәт Илаһи бир немәтдир ки, инсанлара бәхш олунуб. Буна ҝөрә дә Ислам дини инсанларын бәндәчилик мәгамына чатмасы үчүн Аллаһ Тәалаја ибадәт етмәкләрини ваҹиб билир. Һәр ким ибадәт әһли олдуса демәли ниҹат тапанлардандыр...
Икинҹи Гарабағ мүһарибәси дә бу бәндәчилик мејданынын бир ҝүшәси иди. Бу мүһарибә бир даһа ҝөстәрди ки, Азәрбајҹан Халгы өз Аллаһына, Онун ҝөндәрдији дининә, өз менталитетинә вә Илаһи Дәјәрләринә садиг бир халгдыр. Хариҹи вә дахили дүшмәнләрин әл-әлә вериб Шиәлијин әлејһинә күтләви сүрәтдә, ҝенишмигјаслы тәблиғатлар апармасына бахмајараг, Азәрбајҹан халгы дүшмәнләрин дејил мәһз Аллаһ Тәаланын истәдијини һәјата кечиртди.
Һеч бир кәсин ҝөзләмәдији јердән азғын дүшмән гүввәләри истәдикләринә наил ола билмәдиләр. Чүнки шанлы Азәрбајҹан Халгынын иҝд вә гејрәтли оғуллары “Аллаһу Әкбәр!”, “Ја Әли! Анҹаг Ирәли!”, “Ләббејкә Ја Һүсејн!”, “Ләббејкә Ја Әли!”, “Аллаһ! Муһәммәд! Ја Әли! Кимдир Ахы Ермәни!” кими шүарлар илә дүшмән үзәринә шығыјыб торпаглары азад едирдиләр. Һәр бир гарыш торпагларымызы дүшмәнин ишғалындан азад едән һәрбичиләримиз орада Азан верир, намаз гылыр вә оруҹлар тутур, халгымыза вә вәтәнимизә дуалар едирдиләр. Һәгигәтән дә онлар Аллаһ Гатында ниҹат тапан бәндәләрдән идиләр.
Белә бир ниҹат тапмышлардан бири дә Азәрбајҹан Хүсуси Тәјинатлы Дәстәләрин ХТД ҝизири Шәһид Әмирли Тофиг Шәмсәддин оғлудур. О, даим идманла мәшғул олан, гисасыны јағы дүшмәнләрдән алмағы даим арзулајан, пешәкар һәрбичи олмағы илә јанашы һәм дә сөзүн әсил мәнасында Аллаһына ибадәт едән бир шәхс иди. Һәрби тәлимләрдән вә ҝүдәлик идманындан ҝери галмадығы кими намаз вә оруҹ тутмағыны да гәзаја вермирди. О, Мөвласы Әмирәл Мөминин, Әли Ибни Әбу Талибә (әлејһимәс сәлам) вә шәһидләр Ағасы һәзрәт Имам Һүсејнә (әлејһи сәлам) игтида едән бир шәхс иди...
ХТД ҝизири Шәһид Әмирли Тофиг Шәмсәддин оғлу даим шәһидлик арзулары илә јашајан бир ҝәнҹ иди. Ҝәнҹ бир валидејн олмаг она нәсиб оласа да лакин о, өз һәјаты вә шәһадәти илә халгына ибрәт олан Аллаһ бәндәси иди...
Һәгигәтән дә белә әсҝәрләрин тимсалында Икинҹи Гарабағ Мүһарибәси гәләбә илә Азәрбајҹан халгынын хејринә сонунҹланды.
Ашағыда мүшаһидә еәдәҹәјиниз видео клипи шәһидимиз Әмирли Тофиг өз фәалијјәтләри әсасында һазырламышдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!