Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, АБШ, сионист исраил режими, Гәрб иттифагы вә с дүшмән гүввәләрин Азәрбајҹан Республикасы әлејһинә башлатдығы Икинҹи Гарабағ Мүһарибәси Шиә Азәрбајҹан Халгынын нисби гәләбәси илә сонунҹланды...
Хариҹи вә дахили дүшмән гүввәләринин Азәрбајҹан Шиә Халгы әлејһинә тәдарүк ҝөрдүкләри Икинҹи Гарабағ Мүһарибәси, сөзүн әсил мәнасында Шиәлијин Азәрбајҹан Республикасындан мәһв едилиб, әбәди олараг инсанларын гәлбиндән силмәк мәгсәдини ҝүдүрдү. Лакин Аллаһ Тәаланын Гурани Кәримдә, Әнфал сүрәси, ајә 30-да: “(Ја Рәсулум!) Јадына сал ки, бир заман кафирләр сәни һәбс етмәк вә ја өлдүрмәк, јахуд да (Мәккәдән) чыхардыб говмаг үчүн (Даруннәдвәдә) сәнә гаршы һијлә гурурдулар. Аллаһ да (онларын бу һијләсинә гаршы) тәдбир төкдү. Аллаһ тәдбир төкәнләрин ән јахшысыдыр!” бујурдуғу кими Јенилмәз Гүдрәт Саһиби олан Аллаһ Тәала дүшмәнләрин чиркин вә һијләҝәр планларына гаршы тәдбир едиб онларын планларыны пуча чыхартды...
Һеч бир кәсин ҝөзләмәдији јердән кафирләр вә азғын дүшмән гүввәләри сарсыдыҹы зәрбәләр алдылар. Шанлы Азәрбајҹан Халгы “Аллаһу Әкбәр!”, Ја Әли” Анҹаг Ирәли!”, “Ләббејкә Ја Һүсејн!”, “Ләббејкә Ја Әли!” “Аллаһ! Муһәммәд! Ја Әли! Кимдир Ахы Ермәни!” кими шүарлар илә дүшмән үзәринә шығыјыб торпаглары азад едирдиләр. Һәр бир гарыш торпагларымызы дүшмәнин ишғалындан азад едән әсҝәрләримиз орада Азан верәрәк Әшһәдү Әннә Әмирәл Мөмининә Әлијјән Вәлијјуллаһ дејиб намазлар гылыр, оруҹлар тутур, халгымыза вә вәтәнимизә дуалар едирдиләр...
Белә бир Һүсејнчиләрдән бири дә ашағда мүшаһидә едәҹәјиниз видеодакы әсҝәримиздир. О, илк өнҹә һазырладығы видеода Салам верир. Сонра валидејнләрини вә Азәрбајҹан Халгыны тәбрик едәрәк дејир: “Гәләбә бизимләдир! Анд олсун Аллаһа!Бу Гәләбәни дә газандыран бизә Ислам уғрунда, торпағ уғрунда ҹанын гојан Әһли Бејт (әлејһимус сәлам) севәнләр олду вә Имам Һүсејн севәнләр олду...
Бурдан сәсләнирәм өлкә башчымыза, али баш команданымыз Илһам Әлијевә. Сиздән хаһишимиз будур ки, Һиҹаб мәһбусларымыз вардыр, башда Һаҹы Тале олмаг шәрти илә Һиҹаб мәһбусларыны азад едәсиниз... Биз вәтәнә борҹумузу гајтардыг вә сиздән хаһишимиз будур ки, онлары азад едәсиниз иншаАллаһ. Аллаһ Ордумузу горусун!”.
Диггәт: Хәбәрдән Истифадә Етдикдә Мәнбәјә Истинад Лазымдыр!