Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ислам дининдә бәндәчилијә бөјүк әһәмијјәт верилир. Ислам дини инсанын бәндәчилик мәгамына чатмасы үчүн Аллаһ Тәалаја ибадәт етмәји ваҹиб билир. Ибадәтин исә ән ҝөзәл формасыны намаз билир. Белә ки, Гурани Кәримдә Аллаһ Тәала намазын ислаһедиҹи тәсири һаггында бујуруб:
“Һәгигәтән инсан (сәрвәтә) чох һәрис (тамаһкар вә һөвсәләсиз) јарадылмышдыр! Она бир пислик үз вердикдә фәрјад гопарыр, бир хејир нәсиб олдугда исә хәсис олур. Даим намаз гыланлар исә истиснадыр!”( Мәариҹ сурәси, 19-22-ҹи ајәләр)
Инсанлары һидајәт етмәкдән өтрү ҝөндәрилән, сүлһ вә мәрһәмәт дини олан Исламда һеч бир һалда вә һеч бир шәраитдә намазын тәрк олунмасыына иҹазә верилмир. Диггәтсизлик, мәсулијјәтсизлик, сәһләнкарлыг үзрү илә намазы тәрк етмәк адлы һүгуг һеч бир бәндәјә верилмәјиб. “Намазларындан гафил оланарын (сәһләнкарлыг үзүндән намазы вахтында гылмајанларын) вај һалына! (Маун сурәси, 4-5-ҹи ајә) ајәси дә мәһз буна ајдын дәлилдир.
Намаз истиснасыз олараг јеринә јетирилмәси ваҹиб олан јеҝанә ибадәтдир. Јәни намаз һәтта инсан өләнәдәк һәр бир шәраитдә она ваҹибдир. Чүнки, о, инсаны чиркин әмәлләрдән, писликләрдән горујан ҝүҹлү амилдир. Бах елә буна ҝөрә дә намаз динин сүтуну һесаб олунур. Мәһз буна ҝөрә дә һәдисләрдә бујурулур ки, әҝәр намаз Аллаһ дәрҝаһында гәбул оларса бәндәнин диҝәр әмәлләри дә гәбул олаҹаг.
Имам Садиг (әлејһи сәлам) бујуруб: “Бизим шәфаәтимиз һеч вахт намазы јүнҝүл сајанлара шамил олмаз”( Вәсаилүш-шиә, ҹ:3, с. 17)
Имам Әли (әлејһи сәлам) намаз барәдә бујурур: “Намаза риајәт един! О, мөминин мераҹы, динин сүтунудур. Гијамәтдә бәндәдән өнҹә сорушулан сорғу да намаз һаггында олаҹаг. Бәндәнин намазы гәбул олдуғу тәгдирдә, диҝәр әмәлләр дә гәбул олур. Гәбул едилмәјиб һесаба алынмадыгда исә һеч бир әмәл инсан үчүн фајдалы олмаз. Ону горујун (ону вахтында гылмаг фәзиләтлиндән хәбәрсиз олмајын). Чохлу намаз гылын! Онун васитәси илә (Аллаһа) јахынлашын. Чүнки, Гуранда бујурулдуғу кими: “Намаз мөминләрә јазылмыш вә вахты мүәјјән едилмиш бир ваҹибдир.”( Ниса сурәси, 103-ҹү ајә)
Ашағыда мүшаһидә еәдәҹәјиниз видеода ҝөрдүјүнүз Һүсјнчи әсҝәримиз ермәни ишғалындан азад етдији әразиләрдә, мүһарибә шәраитиндә, гарлы һавада, сојуг вә шахталы вахтда, имканатын сыфыр һәддиндә белә намазына әһәмијјәт верәрәк ону әввәл вахтында гылыр. Һәгигәтән дә Икинҹи Гарабағ Мүһарибәси белә әсҝәрләрин тимсалында гәләбә илә Азәрбајҹан халгынын хејринә сонунҹланды.
Диггәт: Хәбәрдән Истифадә Етдикдә Мәнбәјә Истинад Лазымдыр!