Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, христиан вә јәһуди дөвләтләринин дәстәји илә Ермәнистан ишғалчы дөвләти тәрәфиндән Шиә Азәрбајҹан Республикасына гаршы башладылан Икинҹи Гарабағ Мүһарибәсиндә Аллаһ Тәала Гәләбәни Азәрбајҹан Халгына бәхш етди.
Бу Илаһи Гәләбә, Азәрбајҹан Шиә халгынын Аллаһ Тәалаја етдикләри ибадәт вә тәвәккүлү, Бөјүк Ислам Пејғәмбәри һәзрәти Муһәммәд Мустәфаја (сәлләллаһу әлејһи вә алиһ) вә Онун пак Әһли Бејтинә (әлејһимус сәлам) едилән тәвәссүлләр сајәсиндә шанлы Азәрбајҹан Халгына верилди.
Азәрбајҹан Халгынын Дининә олан садиглијини ашағыдакы видода ајдын шәкилдә мүшаһидә етмәк олур. Белә ки, шанлы Азәрбајҹанын мүзәффәр ордусу Талыш вә онун тимсалында азад етдикләри бүтүн әразиләрдә Азан сәдаларыны сәсләндирир.
Азанын сәмави бир нида олдуғу һамыја бәллидир. Бу намаза һазырлашмаг үчүн үмуми вә мәнәви Илаһи нидадыр. Азан бәшәријјәти ибадәтә вә бәндәлијә дәвәт едир. Азан дејән инсанлары хош сәси илә намаза вә дуаја дәвәт едир.
Имам Рза (әлејһи сәлам) азанын фәлсәфәси вә әһәмијјәти һаггында белә бујурурлар: “(Азан) 1. О кәс ки, унудуб (онун) јадына салар вә о кәс ки, гәфләтдәдир (ону) гәфләтдән ојадар. 2. О кәс ки, мәшғулдур, намазын вахтыны биләр. 3. (Азан вериләндә) Инсанлар Халигин пәрәстишинә дәвәт олунар вә һәвәсләндириләр. 4. Азаны дејән төвһиди етираф едәр вә иманы ашкар едәр. Исламы елан едәр вә о кәс ки, (бунлары) унутмушдур јадына салар.”
Диггәт: Хәбәрдән Истифадә Етдикдә Мәнбәјә Истинад Лазымдыр!